تۇرىكمەنستاننىڭ بەيتاراپتىق ساياساتى بەيبىت سيپاتقا يە - ەلشى
«تۇرىكمەنستاننىڭ باستاماسىمەن 2021 -جىل بەيبىتشىلىك جانە سەنىم جىلى دەپ جاريالانعانى بەلگىلى. ويتكەنى تۇرىكمەنستاننىڭ بەيتاراپتىعى بىتىمگەرشىلىك، بەيبىت سيپاتقا يە. ءبىز بۇكىل الەمدە بەيبىتشىلىكتى ناسيحاتتايمىز»، - دەدى باتىر رەدجەپوۆ.
سونداي- اق، ەلشى قازاقستان مەن تۇرىكمەنستان اراسىنداعى ەكىجاقتى ىنتىماقتاستىق قارىم- قاتىناسقا توقتالىپ ءوتتى.
«ورتالىق ازيادا تاتۋ كورشىلىك پەن دوستىق احۋالىن قالىپتاستىرۋ - تۇركىمەنستاننىڭ سىرتقى ساياساتىنىڭ ماڭىزدى اسپەكتىسى. قازاقستان رەسپۋبليكاسىمەن دوستىق پەن باۋىرلاستىقتىڭ مىزعىماس بايلانىسىنا، قوس ەلدىڭ ورتاق كوپ عاسىرلىق رۋحاني جانە مادەني قارىم- قاتىناسى نەگىز بولا الادى. قازىرگى تاڭدا ساياسي- ەكونوميكالىق جانە سەنىمدى سەرىكتەستىك نەگىزىندە قۇرىلعان تۇرىكمەن- قازاقستان ديالوگى جاڭا سەرپىن مەن مازمۇنعا يە. ءبىزدىڭ مەملەكەتتىڭ ءوزارا ىنتىماقتاستىعى جەكە مۇددەنى كوزدەمەيدى. تۇرىكمەنستان مەن قازاقستان ەۋرازيا كەڭىستىگىندە يگىلىكتى ماقساتتاردى جۇزەگە اسىرۋدا ەكىجاقتى كۇش- جىگەر مەن ينفراقۇرىلىمدى بىرىكتىرىپ، ناتيجەسىندە اۋقىمدى جوبالار ىسكە اسىپ جاتىر»، - دەيدى ول.
ديپلوماتتىڭ ايتۋىنشا، ەكى ەل اراسىنداعى بەيبىت قارىم- قاتىناستىڭ نەگىزىن ق ر تۇڭعىش پرەزيدەنتى- ەلباسى نۇرسۇلتان نازاربايەۆ، ق ر پرەزيدەنتى قاسىم- جومارت توقايەۆ جانە تۇرىكمەنستان رەسپۋبليكاسىنىڭ پرەزيدەنتى گۋربانگۋلى بەردىمۇحامەدوۆ قالىپتاستىردى.
ايتا كەتسەك، بۇگىن نۇر- سۇلتان قالاسىندا قازاقستان مەن تۇرىكمەنستان اراسىنداعى دوستىق قارىم- قاتىناس تاقىرىبىندا ب ا ق- قا ارنالعان باسپا ءسوز ءماسليحاتى ءوتتى.
اۆتور: ءالي يبرايەۆ
