الەمدە سەمىز بالالاردىڭ ۇلەسى ارتىپ كەلەدى
ارتىق سالماقتان زارداپ شەگەتىن بالالار سانىنىڭ كوبەيۋىنە بەلسەندى بولماۋ مەن دۇرىس تاماقتانباۋ اسەر ەتەدى.
ۇلى بريتانيانىڭ ۇلتتىق دەنساۋلىق ساقتاۋ قىزمەتىنىڭ مالىمەتى بويىنشا، ەگەر 2019-2020-جىلدارى ەلدە بالالارداعى ارتىق سالماق 10 پايىزدى قۇراسا، 2020-2021-جىلدار ارالىعىندا بۇل كورسەتكىش 14 پايىزدى قۇراعان. تۇرمىسى تومەن وتباسىلاردا ول ەكى ەسە وسكەن.
ا ق ش- تىڭ اۋرۋلاردى باقىلاۋ جانە الدىن الۋ ورتالىقتارى وسىنداي زەرتتەۋدى جاريالادى.
435000 بالانىڭ دەرەكتەرىن تالداۋ بالالاردىڭ دەنە سالماعىنىڭ يندەكسى ەكى ەسەگە جۋىق وسكەنىن كورسەتتى. پاندەميا كەزىندە ارتىق سالماعى بار بالالاردىڭ ۇلەسى 19 پايىزدان 22 پايىزعا دەيىن ءوستى.
مامانداردىڭ ايتۋىنشا، ارتىق سالماقتان زارداپ شەگەتىن بالالار سانىنىڭ كوبەيۋىنىڭ بىردەن-ءبىر سەبەبى - كارانتين. ءوزىن-ءوزى وقشاۋلاۋ كەزىندە بالالار قوزعالمايدى، ولار ۋاقىتتارىن كومپيۋتەر، تەلەديدار الدىندا نەمەسە iPad ويناپ وتكىزەدى جانە كوبىرەك تاماقتانادى.
ايتا كەتەيىك، كەيىنگى ۋاقىتتا دۇنيەجۇزىلىك دەنساۋلىق ساقتاۋ ۇيىمى بالالاردىڭ سەمىزدىك اۋرۋىنا شالدىعىپ جاتقانىن ايتىپ دابىل قاعۋدا. گرەكيادان قىتايعا دەيىن ادامدار ارتىق سالماقتان زارداپ شەگىپ جاتىر. Lancet مەديتسينا جۋرنالى 2017-جىلى 130 ميلليونعا تارتا ادامنىڭ دەنە سالماعى يندەكسىن زەرتتەپ، 1970-جىلدان بەرى سەمىزدىككە شالدىققان ەرەسەكتەر سانى 7 ەسە وسكەنىن جانە ولاردىڭ كوپشىلىگى ا ق ش پەن قىتايدا ەكەنىن انىقتادى. 2016-جىلعى زەرتتەۋلەر ولاردىڭ وسى مەرزىم ارالىعىندا ءار ون جىل سايىن ورتا ەسەپپەن 1,4 كيلو سالماق قوسقانىن ايتادى. سەمىز بالالار مەن جاس وسپىرىمدەر سانى دا 1975-جىلعى 11 ميليوننان 2016-جىلى 124 ميلليونعا وسكەن.
بالالاردى سەمىزدىك دەرتىنەن قورعاۋ ءۇشىن ەلىمىزدە 2025-جىلعا دەيىن ءبىرشاما شارالار جوسپارلانعان.
سالماق جوعالتۋ كۇنىن تاڭەرتەڭگىلىك جاتتىعۋلار نەمەسە قاراپايىم جاتتىعۋلار جاساۋ ارقىلى دەنساۋلىعىڭىزعا پايدالى ەتىپ وتكىزۋگە بولادى.
massaget.kz
