ەلىمىزدەگى ساياسي بيلىكتىڭ بىرىزدىلىكپەن جالعاسۋىنىڭ كۋاسى بولىپ وتىرمىز - ساراپشى

اۋقىمدى شاراعا ىشكى ساياسات پەن بيلىككە قاتىستى ءبىرقاتار ماڭىزدى دۇنيەلەر قوزعالىپ، شەشىمدەر قابىلداندى. وسى ورايدا ايتۋلى ساياسي وقيعاعا قاتىستى ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ الەۋمەتتىك-ساياسي زەرتتەۋلەر ءبولىمىنىڭ باسشىسى ينديرا رىستينا ءوز پىكىرىن ءبىلدىردى، دەپ حابارلايدى قازاقپارات ءتىلشىسى.

«Nur Otan» پارتياسىنىڭ ساياسي كەڭەسىنىڭ وتىرىسىندا ەلباسى ءبىراز ماسەلەنى قوزعادى. سول ماسەلەلەردىڭ باستى ءتۇيىنى رەتىندە مەملەكەتتە بىرىزدىلىك ساياساتىنىڭ ساقتالۋى جانە بەيبىت ءومىر ءسۇرۋ كەرەكتىگى ايتىلدى. سونداي-اق، ەلباسى پاندەميا كەزىندەگى قيىنشىلىقتى حالىقتىڭ بيلىكپەن بىرگە ەڭسەرىپ كەلە جاتقاندىعىنا ەرەكشە توقتالىپ ءوتتى. جانە دە حالىقارالىق ارەناداعى ساياسي كۇشتەردىڭ ترانسفورماتسياسىنا بايلانىستى قازاقستاننىڭ كوپۆەكتورلى ساياسات ۇستانۋ كەرەكتىگىن العا تارتتى»، - دەدى ينديرا رىستينا.

ساراپشىنىڭ ايتۋىنشا، ەلىمىز ءوزىنىڭ سىرتقى ساياساتقا قاتىستى ۇستانىمىن وزگەرتپەۋى ءتيىس.

«ودان بولەك، نۇرسۇلتان نازاربايەۆ 40-50 جىلدىڭ ىشىندە كوپتەگەن جەتىستىكتەرگە قول جەتكىزە الاتىندىعىمىزعا سەنىم ءبىلدىردى. سول جەتىستىكتەرمەن قاتار ەلدەگى بەيبىتشىلىك پەن تۇراقتىلىق تا قاتار دامۋى ءتيىس. ەلباسى اتاپ وتكەن باستى تەزيستەردى جۇزەگە اسىرۋدىڭ قادامى رەتىندە، ساياسي بيلىك ءترانزيتىنىڭ بەيبىت تۇردە وتۋىنە كۋا بولىپ وتىرمىز. ونىڭ دالەلى ەلباسى «Nur Otan» پارتياسىنىڭ ءتوراعالىعىن پرەزيدەنتكە بەرىپ وتىر. پارتيا تىزگىنىن پرەزيدەنتتىڭ الۋى ەل بيلەۋ ساياساتىنىڭ بىرىزدىلىكپەن جالعاسۋىنىڭ بەلگىسى»، - دەيدى ول.

يتا كەتەيىك، بۇگىن ەلوردادا «Nur Otan» پارتياسى ساياسي كەڭەسىنىڭ كەڭەيتىلگەن وتىرىسى ءوتتى.

اتالعان جيىندا ەلباسى نۇرسۇلتان نازاربايەۆ «Nur Otan» پارتياسىنىڭ ءتوراعاسى وكىلەتتىگىن پرەزيدەنتكە تاپسىراتىندىعىن جەتكىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى