اقىلى جول ۋچاسكەلەرىندەگى تولەم قۇنىن قالاي بىلۋگە بولادى

«ىڭعايلى بولۋ ءۇشىن Теlegram -دا kazautozholbot (چات- بوت) بار. وسى بوتتىڭ كومەگىمەن ءسىز «قازاۆتوجول» ۇ ك» ا ق- عا ءوتىنىش جولداۋعا، كولىك قۇرالىنىڭ بالانسىن تەكسەرۋگە، سونداي- اق رەسپۋبليكالىق ماڭىزى بار جالپى پايدالانىمداعى اقىلى اۆتوموبيل جولدارى (ۋچاسكەلەرى) بويىنشا ءجۇرىپ ءوتۋ ءۇشىن تولەم باعالارى تۋرالى اقپارات الۋعا بولادى»، - دەلىنگەن كومپانيا مالىمەتىندە.

سونىمەن قاتار، اتالعان جۇيەدە جابىق تۇرعان نەمەسە كولىك قوزعالىسىنا شەكتەۋ ەنگىزىلگەن جول ۋچاسكەلەرىن بىلۋگە بولادى.

ەسكە سالا كەتەيىك، 4 جولاقتى قوزعالىسى بار ءبىرىنشى ساناتتاعى رەسپۋبليكالىق ماڭىزى بار اۆتوجولداردىڭ 7 ۋچاسكەسىندە اقى الۋ جۇيەسىنە قورىتىندى تەستىلەۋ جۇرگىزىلدى («نۇر- سۇلتان - پاۆلودار»، «قاپشاعاي - تالدىقورعان»، «تاراز - قاينار»، «شىمكەنت - تاراز»، «شىمكەنت - قىزىلوردا»، «شىمكەنت - تاشكەنت»، «شۋچينسك- كوكشەتاۋ»).

اقىلى جول جۇيەسىن ەنگىزۋ تۋرالى بۇيرىقتار ادىلەت ورگاندارىندا مەملەكەتتىك تىركەۋ راسىمىنەن ءوتتى جانە اعىمداعى جىلدىڭ 23- قاراشاسىندا زاڭدى كۇشىنە ەنەدى، سايكەسىنشە وسى كۇننەن باستاپ جول ءجۇرۋ اقىسى الىناتىن بولادى. اقىلى جولدار بويىنشا قىزمەت كورسەتۋ ورتالىقتارى جۇمىس ىستەي باستادى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى