جەر قويناۋىن يگەرۋدە جەرگىلىكتى كاسىپورىندارعا باسىمدىق بەرىلمەك

بۇل تۋرالى ق ر ەنەرگەتيكا ءمينيسترى ماعزۇم مىرزاعاليەۆ ۇكىمەت وتىرىسىندا ءمالىم ەتتى.

«2020 -جىلدىڭ قورىتىندىسى بويىنشا كومىرسۋتەك شيكىزاتى جانە ۋران ءوندىرۋ سالاسىنداعى جەر قويناۋىن پايدالانۋشىلاردىڭ تاۋارلاردى، جۇمىستار مەن كورسەتىلەتىن قىزمەتتەردى ساتىپ الۋىنىڭ جالپى كولەمى شامامەن 5,4 تريلليون تەڭگەنى قۇرادى. بۇل رەتتە وسى ساتىپ الۋلارداعى جەرگىلىكتى قامتۋ ۇلەسى%46 بولدى. ونىڭ ىشىندە تاۋارلاردى ساتىپ الۋداعى جەرگىلىكتى قامتۋ %19,7 قۇراسا، جۇمىستاردى ساتىپ الۋ كورسەتكىشى %51,3 عا تەڭ. قىزمەتتەردى ساتىپ الۋدا جەرگىلىكتى قامتۋ دەڭگەيى %50,3 دى قۇرادى»، - دەدى مينيستر.

ونىڭ سوزىنە قاراعاندا، جەر قويناۋىن پايدالانۋشىلار 2021 -جىلى 6,8 تريلليون تەڭگەنىڭ تاۋارى مەن، قىزمەتتەرىن ساتىپ الۋدى جوسپارلاعان.

«مۇنداعى جەرگىلىكتى قامتۋ ۇلەسىنىڭ بولجامدى كورسەتكىشى -%46,5 نەمەسە 3,1 تريلليون تەڭگە. تاۋارلار بويىنشا جەرگىلىكتى قامتۋدىڭ ۇلەسى% 19,5، ال جۇمىستار بويىنشا %51,3 بولادى دەپ كۇتىلۋدە. قىزمەتتەردى ساتىپ الۋداعى جەرگىلىكتى قامتۋ %52,3 كورسەتكىشىندە بولجانادى. تاۋارلاردى، جۇمىستار مەن كورسەتىلەتىن قىزمەتتەردى ساتىپ الۋ كولەمىنىڭ شامامەن %77- ى ءۇش ءىرى وپەراتورعا تيەسىلى. ولار - «تەڭىزشيەۆرويل» ج ش س، «قاراشىعاناق پەترولەۋم وپەرەيتينگ ب. ۆ. « جانە «نورت كاسپيان وپەرەيتينگ ن. ۆ.». ساتىپ الۋدىڭ قالعان %13 ى «سامۇرىق- قازىنا» كومپانيالار توبىنىڭ جانە %10 ى باسقا دا جەر قويناۋىن پايدالانۋشىلاردىڭ ۇلەسىندە»، - دەدى ماعزۇم مىرزاعاليەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى