قازاقپارات فوتوتىلشىسى رەسپۋبليكالىق بايقاۋدا ۇزدىك اتاندى

تاريحى 2000 جىلدىق تاريحى بار تاراز قالاسىنىڭ بۇگىنگى كەسكىن- كەلبەتىن فوتو- ۆيدەو ونەرى ارقىلى ناسيحاتتاپ، جاڭارعان شاھاردى جاڭا بەينەدە كورسەتۋ ماقساتىندا وتكەن بايقاۋعا 46 ۇمىتكەر قاتىستى. بارشاسى دا كۇن ساناپ كوركەيىپ، جاڭا كەيىپكە ەنگەن كونە شاھاردىڭ كوز تارتاتىن سۇلۋلىعىن وبەكتيۆ ارقىلى كوپشىلىك نازارىنا ۇسىندى. ناتيجەسىندە ءار نوميناتسيا بويىنشا 15 قاتىسۋشى ۇزدىك دەپ تانىلدى.

«قازاقپارات» ح ا ا» ا ق تۇركىستان بيۋروسىنىڭ فوتوتىلشىسى ماقسات شاعىرباي «ەڭ ادەمى كورىنىس» نوميناتسياسى بويىنشا «ۇزدىك فوتوگراف» اتاندى. «كونە تاراز» تاريحي- ەتنومادەني كەشەنىندەگى وبلىستىق تاريحي- ولكەتانۋ مۋزەيىندە وتكەن سالتاناتتى شارادا قالا اكىمى ە. جىلقىبايەۆ جەڭىمپازداردى ماراپاتتادى. ءىس- شارا سوڭىندا كوپشىلىك فوتو كورمەنى تاماشالاپ، جاس اقىنداردىڭ تاراز تۋرالى جازعان ولەڭدەرىن تىڭدادى.

ايتا كەتەيىك، ماقسات شاعىرباي حالىقارالىق، رەسپۋبليكالىق فوتوبايقاۋلاردىڭ جەڭىمپازى. اتاپ ايتار بولساق، بيىلعى جىلى ۇزدىك فوتوسۋرەت نوميناتسياسى بويىنشا «Urker-2021» ۇلتتىق سىيلىعىن يەلەندى. سونداي- اق، ا ق ش، بەلارۋس جانە نۇر- سۇلتان، الماتى، شىمكەنت قالالارىندا وتكەن فوتوكورمەلەرگە قاتىسىپ، جۇلدەلى ورىنداردى جەڭىپ العان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى