تۇركيادا ايەلدەر دزيۋدوعا قاتىسىپ، وزدەرىن قورعايتىن بولادى

بۇل تۋرالى انادولى اقپارات اگەنتتىگىنە تۇركيا دزيۋدو فەدەراتسياسىنىڭ باسشىسى سەزەر حۋيسۋز ءمالىم ەتتى، دەپ حابارلايدى قازاقپارات.

بۇگىندە ەلدىڭ 81 پروۆينتسياسىندا دزيۋجل سەكتسيالارى بار 552 سپورت كلۋبى جۇمىس ىستەۋدە. «بۇل كلۋبتاردا دزيۋدو داڭدىلارىن 123 مىڭ سپورتشى دامىتۋدا، سونىڭ ىشىندە 23 مىڭى (12 مىڭ ەر ادام مەن 11 مىڭ ايەل) سپورتپەن كۇن سايىن شۇعىلدانۋدا. بۇل ەر ادامدار مەن ايەلدەردىڭ سپورتتىڭ بۇل تۇرىنە تەڭ دارەجەدە قىزىعۋشىلىق تانىتىپ وتىرعانىن كورسەتىپ وتىر. تۇرىك ايەلدەرى وتە مىقتى، جىگەرى مول، وزدەرىن ەر ادامداردان كەم تۇسپەي قورعاي بىلەدى»، - دەدى فەدەراتسيا باستىعى.

حۋيسۋز فەدەراتسيانىڭ تۇركيادا دزيۋدونى ايگىلەندىرۋ جولىندا كوپ كۇش جۇمساپ وتىرعانىن اتاپ ءوتتى.

«ءبىز ايلەمدىك سپورتتا، سونىڭ ىشىندە 2024 -جىلعى وليمپيادادا جاڭا تابىستارعا جەتۋ ءۇشىن جۇمىستى جانداندىرۋدى جوسپارلاپ وتىرمىز»، - دەپ اتاپ ءوتتى ول. بۇل رەتتە ول دزيۋدو داعدىلارىن ۇيرەنۋ نازىك جاندىلارعا ايەلدەرگە قارسى زورلىققا كۇرەس جولى ماسەلەسىن شەشۋگە كومەكتەسەتىنىنە سەنىمىن ءبىلدىردى.

«فەدەراتسيامىزدىڭ ايەلدەر باسشىلىعىمەن بىرگە ارنايى باعدارلاما ازىرلەۋدەمىز. ونىڭ اياسىندا نيەت بىلدىرگەن ايەلدەردىڭ بارلىعى دزيۋدونى وزدەرىن قورعاۋ ماقساتىندا مەڭگەرە الادى. جاتتىقتىرۋشىلار نيەت بىلدىرگەندەرگە دزيۋدونىڭ نەگىزگى ادىستەرىن ونلاين رەجيمدە، سونداي- اق تىكەلەي سپورت زالدارىندا ۇيرەتە الادى»، - دەپ قوستى فەدەراتسيا باستىعى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى