نۇر-سۇلتاندا شىركەۋ تونالدى

بۇل تۋرالى نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتى مالىمەت تاراتتى، دەپ حابارلايدى قازاقپارات ءتىلشىسى.

پوليتسيا وكىلدەرىنىڭ ايتۋىنشا، ۇرىلار نىسانعا ءتۇن ورتاسىندا تەرەزەنى سىندىرىپ كىرگەن.

«ۇرلىق ءتۇن ورتاسىندا جاسالعان. كۇدىكتىلەر جەرتولە تەرەزەسىن شاعىپ، شىركەۋگە كىرگەن. سودان كەيىن ارنايى بولمەنىڭ ەسىگىن سىندىرىپ، قايىرىمدىلىق جيناۋعا ارنالعان 6 قوراپتان 170 مىڭ تەڭگەنى ۇرلاپ كەتكەن. وقيعا تۋرالى مالىمەتتى پوليتسياعا سەرافيم عيباداتحاناسىنىڭ ءدىني قىزمەتكەرى تاڭەرتەڭ حابارلادى. پوليتسيا قىزمەتكەرلەرى تاۋلىك ىشىندە 27 جاستاعى ەكى جىگىتتى ۇستادى. ولاردىڭ بىرەۋى بۇرىن شىركەۋدە كۇزەتشى بولىپ جۇمىس ىستەگەن. كۇدىكتىلەر قىلمىس جاساعاندارىن مويىندادى. قازىر «ۇرلىق» بابى بويىنشا سوتقا دەيىنگى تەرگەۋ ءجۇرىپ جاتىر»، - دەپ جازادى دەپارتامەنتتىڭ باسپا ءسوز قىزمەتى.

كۇدىكتىلەر ۇرلانعان اقشانى جۇمساپ ۇلگەرگەندەرىن ايتقان. پوليتسيانىڭ مالىمەتىنە سەنسەك، بۇل جۇپ بۇرىن دا قىلمىس جاساعان.

«2019 -جىلى كۇدىكتىلەر ۇرلىق جاساعانى ءۇشىن قىلمىستىق جاۋاپكەرشىلىككە تارتىلعان بولاتىن. نۇر-سۇلتان قالاسىنىڭ پوليتسيا دەپارتامەنتى قۇندى دۇنيەلەردى ۇرلاتىپ الماۋ ءۇشىن نىساندارعا بەينەباقىلاۋ كامەرالارى مەن كۇزەت دابىلىن ورناتۋ قاجەتتىگىن ەسكەرتەدى»، - دەپ جازىلعان دەپارتامەنتتىڭ دەرەگىندە.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى