ايجان قاسىمبەكتىڭ «وت» اتتى فيلمى مينسك كينوفەستيۆالىندە باق سىناپ جاتىر

بيىل بايقاۋ «كينو - بىرلىك سيمفونياسى» ۇرانىمەن ءوتىپ جاتىر، دەپ حابارلايدى قازاقپارات.

فەستيۆال جۇمىسىنا قاتىسۋ ءۇشىن ارنايى ساپارمەن بارعان «قازاق فيلم» كينوستۋدياسىنىڭ پرەزيدەنتى اقان ساتايەۆ بۇگىن «ليستوپاد» كينوفەستيۆالى اياسىندا وتكەن دوڭگەلەك ۇستەلگە قاتىستى.

ت م د ەلدەرى كينوگەرلەرى وكىلدەرىنىڭ قاتىسۋىمەن وتكەن بۇل باس قوسۋدا بىرلەسكەن فيلمدەردى ءتۇسىرۋ، سونداي-اق ت م د ەلدەرىندە ورتاق كينوپروكات جۇيەسىن قۇرۋ تۋرالى ماسەلەلەر تالقىلاندى.

ايتا كەتسەك، بۇگىن كەشكى ساعات 20:00 دە (مينسك قالاسىنىڭ ۋاقىتى بويىنشا) «سەلينىي» كينوتەاترىندا «ليستوپاد» كينوفەستيۆالى اياسىندا ق ر مادەنيەت جانە سپورت مينيسترلىگى تاپسىرىسى بويىنشا، ش. ايمانوۆ اتىنداعى «قازاق فيلم» كينوستۋدياسى مەن Sataifilm كينوكومپانياسى بىرلەسىپ تۇسىرگەن «توميريس» فيلمىنىڭ ارنايى كورسەتىلىمى وتەدى.

تاريحي كينوتۋىندىنى فيلمنىڭ رەجيسسەرى اقان ساتايەۆ پەن باستى ءرولدى سومداعان اكتريسا الميرا تۇرسىن تانىستىرادى. قاراشانىڭ 26 نا دەيىن جالعاساتىن «ليستوپاد» كينوفەستيۆالى بارىسىندا كورەرمەندەرگە 45 ەلدەن 100 دەن استام فيلم (كوركەم جانە دەرەكتى فيلمدەر) ۇسىنىلاتىن بولادى.

فەستيۆالدىڭ باستى بايقاۋىندا 13 كوركەم فيلم باق سىنايدى، ولاردىڭ قاتارىندا وتاندىق رەجيسسەر ايجان قاسىمبەك تۇسىرگەن «وت» فيلمى دە بار. اتالعان بايقاۋدىڭ قازىلار القاسىنىڭ ءتوراعاسى بەلگىلى رەسەي رەجيسسەرى ءارى پروديۋسەرى رەنات داۆلەتياروۆ.

ەرتەڭ، فەستيۆالدىڭ كونكۋرستان تىس باعدارلاماسى اياسىندا «بەلارۋس» كينوتەاترىندا «امىرە» فيلمىنىڭ كورسەتىلەدى. تۋىندىنىڭ رەجيسسەرى دجەفف ۆەسپا. سونداي-اق ەرتەڭ كينوستۋديالاردىڭ باسشىلارى كەڭەسى شەڭبەرىندە كينەماتوگرافيا سالاسىندا ىنتىماقتاستىق جونىندە كەلىسىمگە قول قويۋ ءراسىمى وتەدى.

بۇل شاراعا 9 كينوستۋديانىڭ باسشىلارى قاتىسادى. «قازاق فيلم» دەلەگاتسياسىنىڭ قۇرامىندا كينوستۋديانىڭ ۆيتسە-پرەزيدەنتى ايدارحان ادىلبايەۆ جانە ءوندىرىس ءبولىمىنىڭ باسشىسى ارۋۋانا سەرىكبايەۆا بار.

1994-جىلى مينسك قالاسىندا العاش رەت وتكىزىلگەن «ليستوپاد» كينوفەستيۆالى 2002-جىلعا دەيىن ت م د جانە بالتىق ەلدەرىنىڭ حالىقارالىق كينوفەستيۆالى بولىپ وتكىزىلگەنىن ايتا كەتۋ كەرەك.

بيىل فەستيۆال ۇلتتىق «بەلارۋس فيلم» كينوستۋدياسىنىڭ ۇيىمداستىرۋىمەن وتكىزىلىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى