قاي ەلدىڭ مۇعالىمدەرى كوپ جالاقى الادى؟

ءبىر ەل مۇعالىمدەردى جوعارى مارتەبەلى ماماندىقتىڭ قاتارىنا قويادى. ەكىنشى ەل مۇمكىندىگىنشە ۇستازدارعا جاعداي جاساۋعا تىرىسادى.

ءبىراق قالاي ايتقاندا دا، مۇعالىمدەردىڭ جالاقىسىنىڭ ازدى-كوپتىگى ءبىرشاما فاكتورلارعا بايلانىستى ەكەندىگىن ايتا كەتكەن ءجون. ول ەڭ الدىمەن، ۇستازدىڭ كاسىبيلىگىنە، ونىڭ وقۋ ساعاتىنا، وقۋ ورنىنىڭ رەيتينگىنە، ەڭبەك ءوتىلى مەن ءبىلىم ورداسىنىڭ مىقتىلىعىنا قاتىستى ەكەنىن ايتا كەتكەن ءجون.

ال 2020-2021 وقۋ جىلىندا الەم بويىنشا قاي مەملەكەتتىڭ مۇعالىمدەرى كوپ جالاقى الادى؟ ەندى سالىستىرىپ كورەيىك.

شۆەيتساريا — 6240 دوللار اي سايىن

دانيا — 6190.

ليۋكسەمبۋرگ — 5850.

نورۆەگيا — 5450.

يسلانديا — 5430.

گەرمانيا — 4390.

جاپونيا — 3990.

بەلگيا — 3900.

ا ق ش — 3900.

فينليانديا — 3900.

ليۋكسەمبۋرگ مۇعالىمدەرى الەمدە ەڭ جوعارى جالاقى الادى. ايلىعى - 5850 ەۆرو شاماسىندا. ەل ۇستازدارى ەليتالىق توپتىڭ قۇرامىنا جاتادى. سوندىقتان ليۋكسەمبۋرگتە مۇعالىم بولۋ وڭاي ەمەس. نەگىزگى تالاپ ليۋكسەمبۋرگ ءتىلىن ءبىلۋ كەرەك. باسەكەلەستىك وتە جوعارى. نەگىزىنەن 40 جاسقا دەيىنگىلەر عانا مۇعالىم بولا الادى.

گەرمانيا: نەگىزگى تالاپ نەمىس ءتىلىن ءبىلۋ قاجەت. نەمىس مۇعالىمدەرىنىڭ الاتىن ايلىعى - 4390 ەۆرو. گەرمانيادا مۇعالىم ماماندىعى مارتەبەلى سانالادى.

جاپونيا: مۇعالىم جاپونيادا ەڭ قۇرمەتتى ماماندىق. مۇعالىمگە كەز كەلگەن ادام تۇرىپ سالەم بەرەدى، ىزەت بىلدىرەدى. ۇستازدار اراسىندا باسەكەلەستىك وتە جوعارى. ءبىر ورىنعا 20 ورىننان كەلەدى.

ا ق ش: ا ق ش- تا ۇستازدىڭ ايلىعى قاي ايماقتا جۇمىس ىستەگەنىنە بايلانىستى. مىسالى، وڭتۇستىك داكوتادا - 3210 دوللار بولسا، نيۋ-يورك، كاليفورنيادا ۇستازدار اي سايىن - 7510 دوللار جالاقى الادى. ال ورتاشا ەسەپپەن العاندا ا ق ش- تاعى مۇعالىمدەردىڭ جالاقىسى 3900 دوللار شاماسىندا.

فرانسيا: فرانسيادا مۇعالىمدەر ەلدىڭ ورتا تابىنا جاتادى. ولاردىڭ ايلىعى شامامەن 3300 دوللار شاماسىندا.

قازاقستاندا قانداي؟

قازاقستاندا دا پەداگوگيكالىق باعىتتا ءبىلىم ساپاسىن ارتتىرۋ باعىتىندا ىرگەلى رەفورمالار جۇرگىزىلۋدە. بۇل ورايدا مينيستر اسحات ايماعامبەتوۆتىڭ جاڭاشىلدىعىن اتاپ ءوتۋ ورىندى.

ويتكەنى تاۋەلسىزدىك العاننان بەرگى 30 جىل ىشىندە العاش رەت «پەداگوگ مارتەبەسى تۋرالى زاڭ» قابىلداندى. 2020-جىلى دايىندىقتىڭ پەداگوگيكالىق باعىتىنا ءتۇسۋ ءۇشىن شەكتى بال 60 تان 70 كە دەيىن، 2021-جىلى 75 كە دەيىن كوتەرىلدى. سوعان قاراماستان پەداگوگ بولعىسى كەلەتىن جاس تۇلەكتەردىڭ سانى جىل سايىن ارتىپ كەلەدى.

بۇرىن مەكتەپ ديرەكتورلارى ءبىر ورنىندا 15-20 جىل وتىراتىن بولسا، ەندى 5 جىلدان ارتىق باسقارۋ قىزمەتىندە بولا المايدى. مەكتەپكە تۇرعىسى كەلەتىن مۇعالىمدەر ەندى ديرەكتور ارقىلى ەمەس، ءبىلىم ءبولىمى ارقىلى جۇمىسقا ورنالاسادى.

ايتا كەتۋ كەرەك، قازاقستاندا دا مۇعالىمدەردىڭ جالاقىسى جىل سايىن كوتەرىلىپ كەلەدى. مىسالى، قازاقستاننىڭ 5 ايماعىنداعى مۇعالىمدەردىڭ جالاقىسى رەسپۋبليكاداعى ورتاشا ەڭبەكاقىدان اسادى. ءبىر جىل ىشىندە ءبىلىم سالاسى قىزمەتكەرلەرىنىڭ جالاقىسى بىردەن 27 پايىزعا ارتقان.

2021-جىلدىڭ ەكىنشى توقسانىندا مۇعالىمدەردىڭ ورتاشا ايلىق جالاقىسى 233,9 مىڭ تەڭگەگە جەتكەن. بۇل بىلتىرعىمەن سالىستىرعاندا 26,8 پايىزعا كوپ. بالاباقشا قىزمەتكەرلەرى ورتا ەسەپپەن 116,4 مىڭ تەڭگە، باستاۋىش ءبىلىم — 193,4 مىڭ تەڭگە، ورتا ءبىلىم — 273,7 مىڭ تەڭگە، جوعارى ءبىلىم 251,7 مىڭ تەڭگە جالاقى الادى.

ايماق اراسىندا ەڭ جوعارى ايلىقتى قاي ءوڭىر الادى؟ وڭىرلەر اراسىندا ەڭ جوعارى جالاقى ەلوردالىق مۇعالىمدەردە - 350,8 مىڭ تەڭگە. ەكىنشى جانە ءۇشىنشى ورىندارعا ماڭعىستاۋ وبلىسى (268 مىڭ تەڭگە) مەن الماتى قالاسى (265,5 مىڭ تەڭگە). سونداي-اق ۇزدىك بەستىككە قىزىلوردا مەن الماتى وبلىستارى دا كىردى.

الداعى 3 جىلدا مۇعالىمدەردىڭ جالاقىسىن ءار جىلى 25 پايىزعا ارتتىرۋ كوزدەلىپ وتىر.

بەرىك بەيسەن ۇلى

anatili.kazgazeta.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى