جوعارعى سوت پارا الدى دەپ ايىپتالعان ەكى سۋديانى قىزمەتتەن بوساتۋدى ۇسىندى
سوت تورەلىگىنىڭ ساپاسىن ارتتىرۋ ماقساتىندا كەڭەس شىمكەنت قالالىق سوتىنىڭ شتاتتىق قۇرىلىمىن سولتۇستىك قازاقستان وبلىستىق سوتىنىڭ ەسەبىنەن ءبىر شتاتتىق داناعا ۇلعايتۋعا كەلىسىم بەردى.
وتىرىستا سونىمەن قاتار كەڭەس مۇشەلەرى سولتۇستىك قازاقستان، شىعىس قازاقستان جانە ماڭعىستاۋ وبلىستىق سوتتارىنىڭ ءتوراعالارى لاۋازىمدارىنا ۇمىتكەرلەردى ۇسىندى.
بۇدان بولەك، قاراۋ ناتيجەسى بويىنشا كەڭەس زەينەت جاسىنا جەتكەن سۋديانىڭ لاۋازىمىندا قالۋ مەرزىمىن ۇزارتۋعا كەلىسىم بەردى.
سونىمەن قاتار، كەڭەس سوت القاسىنىڭ ءتوراعاسى، سوت ءتوراعاسى جانە ءبىرقاتار سۋديالاردى ءتۇرلى سەبەپتەرمەن لاۋازىمدارىنان بوساتۋ تۋرالى ۇسىنىس بەردى. سولاردىڭ ىشىندە قاراعاندى وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ سۋدياسى ە. م. عابدۋللين مەن الماتى وبلىسىنداعى ۇيعىر اۋداندىق سوتىنىڭ سۋدياسى ر. ا. سۇلەيمەنوۆتى لاۋازىمدارىنان بوساتۋ ۇسىنىلدى.
اتالعان تۇلعالار سىبايلاس جەمقورلىق قىلمىسىن جاسادى دەپ ايىپتالىپ، ولارعا قاتىستى سوت ۇكىمى كۇشىنە ەنگەن.
