قازاقستاندىق «توميريس» فيلمى مينسك كينوفەستيۆالىندە كورسەتىلەدى

شاكەن ايمانوۆ اتىنداعى «قازاق فيلم» كينوستۋدياسى تاراتقان مالىمەتكە سەنسەك، بۇگىن حالىقارالىق مينسك كينوفەستيۆالىنىڭ اشىلۋ سالتاناتى وتەدى.

«لىستاپاد» - بەلارۋستەگى كينو سالاسىنىڭ ەڭ ءىرى فەستيۆالدەرىنىڭ ءبىرى. بيىل فەستيۆال 26- قاراشاعا دەيىن جالعاسادى.

«لىستاپاد» فەستيۆالىنىڭ كونكۋرستىق باعدارلاماسى ءتورت بولىمنەن تۇرادى: كوركەم فيلمدەر، دەرەكتى فيلمدەر، ۇلتتىق بايقاۋ جانە «لىستاپادزىك» بالالار مەن جاس وسپىرىمدەر اۋديتورياسىنا ارنالعان فيلمدەر بايقاۋى.

ەسكە سالا كەتەيىك، ءبىز بۇعان دەيىن تۇرىك تەلەارناسى «توميريس» فيلمىنىڭ جەلىسىمەن سەريال تۇسىرەتىنىن جازعان بولاتىنبىز. قازاقستان مەن تۇركيا «قازاق فيلم» كينوستۋدياسى Sataifilm كومپانياسىمەن بىرلەسىپ تۇسىرگەن، رەجيسسەر اقان ساتايەۆتىڭ «توميريس» فيلمىنىڭ نەگىزىندە بىرلەسكەن تاريحي سەريال شىعارادى.

جوبانى تۇركيانىڭ جەتەكشى تەلەارناسى TRT تەلەراديوكورپوراتسياسى جۇزەگە اسىرماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى