كوروناۆيرۋس: الەمدەگى ەپيدەميولوگيالىق احۋال قانداي

باۆاريادا ۆاكسينا الماعان ادامدارعا لوكداۋن ەنگىزەدى. سونىمەن قاتار، روجدەستۆو مەيرامى قارساڭىنداعى جارمەڭكەلەر، كلۋبتار مەن ىشىمدىك ورىندارى بارلىق فەدەرالدى جەرلەر اۋماعىندا جۇمىسىن توقتاتادى، كافەلەر مەن مەيرامحانالار ساعات 22:00 دە جابىلادى.

مادەني ءىس-شارالار قاتاڭ جاعدايدا وتكىزىلەدى. سينگاپۋر بيلىگى ۆاكسينا الماعان ازاماتتارعا شەكتەۋلەردى كۇشەيتىپ جاتىر.

اتاپ ايتقاندا، كوروناۆيرۋسقا قارسى ۆاكسيناتسيادان وتپەگەن ادامدار الەۋمەتتىك بەلسەندىلىگىن تومەندەتىپ، مۇمكىندىگىنشە ۇيدە بولىپ، قوناققا بارماۋى كەرەك.

قوعامدىق تاماقتانۋ ورىندارىندا 22- قاراشادان باستاپ ءبىر ۇستەل باسىندا ەكپە جاساعان بەس ادامنان ارتىق وتىرا المايدى.

مەكسيكادا 15-17 جاس ارالىعىنداعى جاس وسپىرىمدەرگە COVID-19-عا قارسى ۆاكسيناتسيا 19- قاراشادان باستالدى.

مەملەكەتتە ەكپە العىسى كەلەتىن بارلىق تىلەك بىلدىرۋشىلەرگە الدىن الا تىركەلۋ ءۇشىن پورتال جۇمىس ىستەۋدە. سونىمەن قاتار، مەكسيكادا سوزىلمالى اۋرۋمەن اۋىراتىن نەمەسە مۇگەدەكتىگى بار 12 جاستان 17 جاسقا دەيىنگى جاس وسپىرىمدەرگە ۆاكسيناتسيا جۇمىسى ءجۇرىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى