قىتايدا بالا تۋۋدىڭ ەڭ تومەن دەڭگەيى تىركەلدى

بۇل سوڭعى 43 جىلداعى ەڭ تومەن كورسەتكىش.

بۇل تۋرالى قىتايدىڭ ستاتيستيكالىق جىلدىعىنداعى دەرەكتەرگە سۇيەنە وتىرىپ، «حۋانتسيۋ شيباو» باسىلىمى ءمالىم ەتتى، دەپ حابارلايدى قازاقپارات.

قىتايدىڭ ستاتيستيكا دەرەكتەرىنە سايكەس، 2020-جىلى تۋۋ كوەففيتسەنتى 1 مىڭ ادامعا شاققاندا 8,5 بالادان كەلگەن. وتكەن جىلدىڭ قورىتىندىسى بويىنشا ەلدەگى مىڭ ادامعا شاققانداعى حالىقتىڭ تابيعي ءوسىمى 1,45 دەپ تىركەلگەن.

بۇل دا 1978-جىلدان بەرگى ەڭ تومەن كورسەتكىش. دەموگرافتار بۇل جاعدايدى ەلدە رەپرودۋكتيۆتى جاستاعى ايەلدەردىڭ ازايۋى جانە كوروناۆيرۋس پاندەمياسىمەن بايلانىستىرىپ وتىر.

ق ح ر ازاماتتىق ىستەر جونىندەگى مينيسترلىكتىڭ دەرەكتەرىنە سايكەس، وسى جىلدىڭ ءۇش توقسانىنىڭ قورىتىندىسى بويىنشا 5,88 ميلليون نەكە قيىلعان. بۇل 2020-جىلمەن سالىستىرعاندا، %17,5 ەسە از. وسى جىلدىڭ مامىرىندا قىتاي بيلىگى وتباسىدا ءۇش بالا وسىرۋگە رۇقسات بەردى.

اتالعان شارا دەموگرافيالىق قۇرىلىمدى جاقسارتۋ جانە حالىقتىڭ قارتايۋىنا جاۋاپ قايتارۋ ستراتەگياسىن جۇزەگە اسىرۋ ماقساتىندا قابىلدانعان بولاتىن.

ەسكە سالا كەتەيىك، 1970-جىلداردىڭ ورتاسىنان باستاپ قىتايدا تۋۋدى شەكتەۋگە باعىتتالعان قاتال دەموگرافيا ساياساتسى جۇرگىزىلگەن.

وتباسىدا تەك ءبىر بالا وسىرۋگە رۇقسات ەتىلگەن. 2020-جىلدىڭ قورىتىندىسى بويىنشا ق ح ر- دا 1,41 ميلليارد ادام تۇرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى