ەلوردالىق بىرەۋدىڭ كولىگىن ۇرلاپ ءمىنىپ، ەلەكتر باعانىنا سوعىپ الدى
نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنىڭ حابارلاۋىنشا، الماتى اۋدانىندا بولعان.
«پوليتسيا قىزمەتكەرلەرى اۆتوكولىك ۇرلادى دەگەن كۇدىكپەن 18 جاستاعى جىگىتتى ۇستادى. پوليتسياعا قالا تۇرعىنى تۇنگى ۋاقىتتا ساعات 03.00 شاماسىندا مۇستافين كوشەسىندەگى تۇرعىن ءۇيدىڭ اۋلاسىنان «اۋدي 80» ماركالى كولىگى ۇرلانعانىن ايتىپ، ارىزدانعان. يەسى كولىكتى دىبىستى دابىلىن قوسپاي، ەسىگىن اشىق قالدىرعان. تەرگەۋ بارىسىندا كۇدىكتىنىڭ ۇرلانعان كولىكتى ايداپ كەلە جاتىپ، كوزى ءىلىنىپ كەتكەنىن، سول كەزدە ەلەكتر باعاناسىنا سوعىلعانىن انىقتادى. 18 جاستاعى تۇرعىن اپات ورنىنا قاشىپ كەتكەن. ونىڭ ۇستىنەن قىلمىستىق كودەكستىڭ 200-بابى بويىنشا سوتقا دەيىنگى تەرگەۋ باستالدى. ۋاقىتشا ۇستاۋ يزولياتورىندا بولادى»، - دەپ جازادى جەپارتامەنتتىڭ باسپا ءسوز قىزمەتى.
پوليتسيا وكلىدەرىنىڭ ايتۋىنشا، 18 جاستاعى جىگىت بۇعان دەيىن دە وسىلاي كولىك ۇرلاعان كورىنەدى.
«شىلدە ايىندا ەكى رەت يۋىرەۋدىڭ كولىگىن ايداپ اكەتكەنى ءۇشىن باس بوستاندىعى شەكتەلگەن بولاتىن. ونىڭ استانا اۋماعىندا جاسالعان باسقا دا ۇقساس قىلمىستارعا قاتىستىلىعى تەكسەرىلۋدە»، - دەلىنگەن دەپارتامەنت حابارلاماسىندا.
