ءوز اكەسىنىڭ مالىن جىمقىرعان تۇركىستاندىق ۇستالدى
تۇركىستان وبلىسىنىڭ پوليتسەيلەرى «مال ۇرىسى» جەدەل- پروفيلاكتيكالىق ءىس- شاراسى بارىسىندا ءوز اكەسىنىڭ مالدارىن جىمقىرعان ەر ازاماتتى انىقتادى. ناقتىراق ايتقاندا، ورداباسى اۋدانى پ ب- عا جەرگىلىكتى تۇرعىنداردىڭ ءبىرى مالدارىن بەلگىسىز بىرەۋ ۇرلاپ كەتكەندىگى جونىندە ارىزدانعان. ياعني جابىرلەنۋشى ازاماتتىڭ ەكى باس قوشقارى مەن ءبىر باس بۇزاۋىن جىمقىرىپ، جالپى 180 مىڭ تەڭگە شىعىن كەلتىرگەن.
اتالعان دەرەك ق ك 188-1-بابى (مال ۇرلىعى) قىلمىستىق قۇقىق بۇزۋشىلىعى بويىنشا تىركەلدى. ورداباسىلىق ساقشىلار حابار الىسىمەن ورىن العان وقيعانى اشۋعا بىردەن كىرىستى. جان- جاقتى تەكسەرۋ جۇمىستارىن جۇرگىزىپ، كورگەن- بىلگەن كۋالاردان جاۋاپ الدى. سونىمەن قاتار مالدىڭ جايىلىپ ءجۇرۋى مۇمكىن دەگەن ايماقتاردىڭ بارلىعىن مۇقيات تەكسەردى. تاۋ مەن تاستى كەزىپ، مالدى ىزدەۋگە جەكە قۇرام قىزمەتكەرلەرى جۇمىلدىرىلدى. وسىلايشا جيناقتالعان اقپارات كوزدەرى ارقىلى كۇدىكتىنىڭ جەكە باسى انىقتالدى. قازىرگى تاڭدا اتالعان جايتقا بايلانىستى تەرگەۋ امالدارى جۇرگىزىلۋدە.
بەلگىلى بولعانداي، كۇدىكتى ەر ادام جابىرلەنۋشىنىڭ بالاسى بولىپ شىقتى. ياعني جىگىت كۇندىزگى ساعات 15:00 شاماسىندا ءۇيىنىڭ اۋلاسىنداعى جۇرگەن مالداردى ۇرلاپ الىپ شىعىپ، ءوزىنىڭ پايداسى ءۇشىن مال بازارلاردىڭ بىرىنە ساتىپ جىبەرگەن. ال تۇسكەن اقشانى قاجەتتىلىگىنە جاراتقان.
