جاسوسپىرىمدەردى كوروناۆيرۋسقا قارسى ۆاكسينالاۋدى جەدەلدەتۋ قاجەت - پروفەسسور

بۇل تۋرالى الماتى قالاسىنىڭ وڭىرلىك كوممۋنيكاتسيالار قىزمەتىندە س. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ جۇقپالى جانە تروپيك اۋرۋلار كافەدراسىنىڭ پروفەسسورى، مەديتسينا عىلىمدارىنىڭ دوكتورى كۇلاش قۇرمانوۆا ايتتى، دەپ حابارلايدى قازاقپارات ءتىلشىسى. «SARS- CoV-2 جاڭا جۇقپالى شتامدارىنىڭ پايدا بولۋىنا بايلانىستى قالا تۇرعىندارى، سونىڭ ىشىندە جاسوسپىرىمدەردى كوروناۆيرۋسقا قارسى ۆاكسينالاۋدى جەدەلدەتۋ كەرەك»، - دەيدى سپيكەر.

كۇلاش قۇرمانوۆا بالالاردى، جۇكتى ايەلدەردى جانە بالا ەمىزەتىن انالاردى ۆاكسيناتسيالاۋعا قاتىستى دەرەكتەر جەتكىلىكتى جيناقتالعانىن اتاپ ءوتتى.

سوندىقتان Pfizer كومپانياسىنىڭ Comirnaty پرەپاراتىنىڭ قاۋىپسىزدىگىنە الاڭداۋعا نەمەسە كۇماندانۋعا نەگىز جوق. سونىمەن قاتار، پروفەسسور قالانىڭ «جاسىل» ايماققا كوشكەننەن كەيىن دە، اسىرەسە، ج ر ۆ ي- مەن سىرقاتتانۋشىلىقتىڭ ءوسۋى كەزەڭىندە قاۋىپسىزدىك شارالارىن ساقتاۋدى جالعاستىرۋ قاجەت ەكەنىن ەسكە سالدى.

«ۆاكسيناتسيانىڭ ءبىرىنشى كۋرسىنان كەيىن 6 نەمەسە 9 ايدان كەيىن رەۆاكسيناتسيادان ءوتۋ قاجەت. انتيدەنەلەر دەڭگەيى بىرتىندەپ تومەندەيدى، ال ۇدەتكىش ۆاكسينا ۇزاق ۋاقىت ساقتالاتىن جاسۋشالىق يممۋنيتەتتى قوسۋ ارقىلى ولاردىڭ ايقىن قالىپتاسۋىنا ىقپال ەتەدى»، - دەپ كەڭەس بەردى پروفەسسور. ول كوروناۆيرۋس پاندەمياسى ءالى دە جالعاسىپ جاتقانىن جانە ينفەكسيانىڭ جاڭا تولقىندارىنىڭ بولۋى مۇمكىن ەكەنىن ەسكە سالدى. سوندىقتان جاپپاي يممۋندانۋ قاجەت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى