قازاقستان فۋتبول فەدەراتسياسىنىڭ باس حاتشىسى قىزمەتىنەن كەتەتىنىن مالىمدەدى - دەرەككوز

بۇل تۋرالى ينسايدەر ايدىن قوجاحمەت ايتتى، - دەپ حابارلايدى Tengrinews.kz ءتىلشىسى Vesti.kz سايتىنا سىلتەمە جاساپ.

سايت مالىمەتىنشە، قازاقستان مەن تاجىكستان اراسىنداعى جولداستىق ماتچتان كەيىن ازامات ايتحوجين مەن ق ر ۆيتسە- پرەمەرى ەرالى توعجانوۆ ۇلتتىق قۇرامانىڭ كيىم اۋىستىراتىن بولمەسىنە كىرگەن. توعجانوۆتىڭ ويىنشىلار بولمەسىنە نە سەبەپتى كىرگەنى بەلگىسىز، الايدا ق ف ف باس حاتشىسى ازامات ايتحوجين فۋتبولشىلارعا كەزدەسۋدەن كەيىن العىسىن ءبىلدىرىپ، قىزمەتىنەن كەتەتىنىن ايتقان.

دەرەككوزدىڭ ايتۋىنشا، ونىڭ وتستاۆكاعا كەتۋى ق ف ف پرەزيدەنتى ادىلبەك جاقسىبەكوۆپەن ءالى كەلىسىلگەن جوق، ول كومەكشىسىنىڭ كەتۋىنە ازىرشە رۇقسات بەرمەگەن.

ءبىراق ايتحوجيننىڭ ورنىنا «قازاقمىس» باسشىسىنىڭ بۇرىنعى ورىنباسارى - ادىلەت بارمەنقۇلوۆ كەلۋى مۇمكىن دەگەن اقپارات شىقتى. ول كەيىنگى جارتى جىلدا فەدەراتسيانىڭ اتقارۋشى كوميتەتىنىڭ مۇشەسى بولدى. سونىمەن قاتار، قاراعاندىلىق «شاحتەردىڭ» ديرەكتورلار كەڭەسىنىڭ باسشىسى قىزمەتىن اتقارادى.

ايتا كەتەيىك، قازاقستان جولداستىق كەزدەسۋدە تاجىكستاندى 1:0 ەسەبىمەن جەڭىپ، وعان دەيىن 2022 -جىلعى الەم چەمپيوناتىنىڭ ىرىكتەۋ كەزەڭىندە فرانسيادان ويسىراي جەڭىلىپ قالدى (0:8). تالعات بايسۋفينوۆتىڭ ويىنشىلارى ىرىكتەۋدى D توبىنداعى سوڭعى ورىنعا تۇراقتاپ، اياقتادى.

كەيىن قازاقستان فۋتبول فەدەراتسياسى مەملەكەت قارجىلاندىرۋىنان باس تارتۋ تۋرالى شەشىم قابىلداعانى بەلگىلى بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى