گيننەستىڭ رەكوردتار كىتابىنا ەنگەن ەڭ تار، ەڭ تىك، ەڭ ۇزىن جانە ەڭ قىسقا كوشەلەر
1807-جىلى لوندوندا گاز شامدارىنا نەگىزدەلىپ كوشەلەردى جارىقتاندىردى. 1832-جىلى پاريج كوشەلەرى اسفالتتالا باستادى. 1914-جىلى كليۆلەندتە العاشقى قىزىل جانە جاسىل باعدارشام پايدا بولدى.
الەمدە جۇزدەگەن مىڭ كەڭ جانە ادەمى كوشەلەر بار. ولار بارلىق جەردە كەزدەسەدى. ويتكەنى، كەز كەلگەن ەلدىڭ ءار قالاسىندا ءوزىنىڭ ەڭ ادەمى كوشەسى بولادى. ولار گيننەستىڭ رەكوردتار كىتابىنا وزدەرىنىڭ ەرەكشەلىگىمەن ەنگىزىلگەن.
ماسساگەت پورتالى وسىنداي ەرەكشە كوشەلەردى - الەمدەگى ەڭ تار، ەڭ تىك، ەڭ ۇزىن جانە ەڭ قىسقا كوشەلەردى ۇسىنادى.
الەمدەگى ەڭ تار كوشە
ءۇندىستاننىڭ قاسيەتتى ورتالىعى بولىپ سانالاتىن ۆاراناسي قالاسىنىڭ وتە تار، ءيىر-قيىر، دوڭگەلەك كوشەلەرى بار: عيباداتحانالارعا باراتىن وتكەلدەردەگى بۇل كوشەلەردىڭ ماڭىزدى بولىگى قىسقا، سوندىقتان كولىكپەن ءوتۋ مۇمكىن ەمەس. موتوتسيكل جانە كەيدە ەكى ادام سول جولدا كەزدەسسە، بىرەۋى ەكىنشىسىنە جول بەرۋگە ءماجبۇر بولادى.
ءبىراق ەكى ادام وڭاي وتەتىن بۇل ءۇندى كوشەلەرى گەرمانيانىڭ رەيتلينگەن قالاسىنداعى شپرويەرحوفشتراسسەمەن سالىستىرعاندا اللەياعا ۇقسايدى.
شپرويەرحوفشتراسسە ەنى 50 سانتيمەتردەن اسپايدى. كوشەنىڭ ەڭ قىسقا ەنى - 31 سانتيمەتر. بۇل كوشەدەن ارى قاراي وتكىسى كەلەتىندەردىڭ ءبارى ول جەردەن وتە المايدى.
كوشە 1727-جىلى ورتتەن تولىعىمەن دەرلىك جويىلعان رەيتلينگەن قالاسىن قالپىنا كەلتىرۋ ناتيجەسىندە پايدا بولدى. باستاپقىدا بۇل جاي عانا ۇيلەر اراسىنداعى قۋىس بولدى، ال 1820-جىلى شپرويەرحوفشتراسسە كوشەسى رەسمي تۇردە قالا كارتالارىندا پايدا بولدى.
ەڭ تىك كوشە
گيننەستىڭ رەكوردتار كىتابىنا سايكەس، الەمدەگى ەڭ تىك كوشە - جاڭا زەلانديانىڭ دانيدين قالاسىنداعى بولدۋين كوشەسى. كوشەنىڭ ۇزىندىعى 359 مەتر، ال دەڭگەي ايىرماشىلىعى 80 مەتر.
كوشەنىڭ ەرەكشەلىگى 35 گرادۋسقا ءيىلىپ سالىنعان. ال كوشەنىڭ بۇلاي سالىنۋىنا باستى سەبەپ، ونىڭ سىزباسى اعىلشىن جەرىندە سالىنىپ وسى ەلگە جىبەرىلگەن. باستى جوبالاۋشى جاڭا زەلانديادا مۇلدە بولىپ كورمەگەن. كوشەنى سالۋعا تەك گەوگرافيالىق كارتانى پايدالانعان. مەنشىكتى جەردىڭ ورنالاسۋ جۇيەسىنە مۇلدە نازار اۋدارىلماعان.
بولدۋين كوشەسى بەتوننان جاسالعان. ايتپەسە اسفالت جاڭا زەلاندياداعى كۇن ىستىعىنا شىداماي اعىپ كەتەر ەدى.
ەڭ قىسقا كوشە
Ebenezer Place — شوتلاندياداعى ۋيك قالاسىنداعى كوشە. 2006-جىلى ول الەمدەگى ەڭ قىسقا كوشە رەتىندە گيننەستىڭ رەكوردتار كىتابىنا رەسمي تۇردە ەنگىزىلدى. كوشەنىڭ ۇزىندىعى 2 مەتر 6 سانتيمەتر.
بۇل كوشە McKay قوناق ءۇيىنىڭ قۇرامىنا كىرەتىن 1№ بيستروعا كىرەبەرىس. قوناق ءۇي 1883-جىلى سالىنعان، سول كەزدە ەبەنەزەر - پلەيس كوشەسى پايدا بولدى.
ەبەنەزەر - يۆريت ءسوزى، مەيىرىمدى، قامقور دەگەندى بىلدىرەدى. كوشە قوناق ءۇي يەسىنىڭ ەسىمىمەن اتالدى. مىنە، الەمدەگى ەڭ مەيىرىمدى جانە ەڭ قىسقا كوشە وسىلاي سالىنعان.
ەڭ ۇزىن كوشە
الەمدەگى ەڭ ۇزىن كوشە تورونتودا (كانادا) سالىنعان - يانگ-ستريت. ونىڭ ۇزىندىعى 56 شاقىرىم. 1999-جىلى كوشە رەسمي تۇردە گيننەستىڭ رەكوردتار كىتابىندا الەمدەگى ەڭ ۇزىن كوشە رەتىندە ەندى. كەيبىر دەرەكتەردە ونى 56 شاقىرىمنان سوڭ 11-ماگيسترالعا اينالۋىن ەسكەرىلمەي 1896 شاقىرىم دەپ كورسەتەدى. تاعى ءبىر ايتا كەتەتىن جايت ەلىمىزدە دە ەڭ ۇزىن كوشە بار. ول تەك ەلىمىزدە عانا ەمەس، ت م د ەلدەرى اراسىنداعى ەڭ ۇزىن كوشە بولىپ تىركەلگەن. د. قونايەۆ اتىنداعى كوشە تەكەلى قالاسىندا ورنالاسقان. ۇزىندىعى - 35 شاقىرىم.
