ەربولات دوسايەۆ ينفلياتسيانىڭ ءوسۋ سەبەبىن اتادى
«الەمدە شيكىزاتتىڭ جانە كولىكپەن تاسىمالداۋ باعاسى ءوسۋىنىڭ جالعاسۋى الەمدە ينفلياتسيالىق قىسىمدى ساقتاپ وتىرعانىن دا اتاپ وتكەن ءجون. بيىلعى جىلعى قازاندا وسىمدىك مايى، بيداي ونىمدەرى مەن ءسۇت ونىمدەرى قىمباتتاۋى ەسەبىنەن ف ا و ازىق- تۇلىك باعالارىنىڭ يندەكسى 3 پايىزعا ءوسىپ، 133,2 تارماققا جەتتى. مەتالدار شامامەن 1,5 ەسە قىمباتتادى. كونتەينەرلەر جەتىسپەۋىنەن قۇرعاق جۇكتى تاسىمالداۋ قۇنى (Baltic Dry Index) 2020 -جىلعى مامىردان باستاپ 7 ەسە ءوستى. ناتيجەسىندە وندىرۋشىلەر ءونىمىنىڭ وزىندىك قۇنىنىڭ ءوسۋى تۇتىنۋ باعالارىنا اۋىسادى»، - دەدى «2022-2024 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى تۋارلى بايانداعان ەربولات دوسايەۆ.
ونىڭ اتاپ وتۋىنشە، اتالعان سىرتقى فاكتورلار باعانىڭ ءوسۋى ءۇشىن قولايسىز ورتانى قالىپتاستىرادى جانە ىشكى فاكتورلارمەن قاتار تەڭ دارەجەدە قازاقستاندا ينفلياتسيانىڭ اعىمداعى وسۋىنە الىپ كەلدى.
«بيىلعى 2-جارتىجىلدىقتان باستاپ قازاقستاندا ينفلياتسيا تۇتىنۋشىلىق بەلسەندىلىكتىڭ تەز قالپىنا كەلۋى، ەكونوميكانى فيسكالدىق ىنتالاندىرۋدىڭ جالعاسۋى جانە جەكەلەگەن تاۋار نارىقتارىنداعى ديسبالانستار ناتيجەسىندە ءوستى» - دەدى ۇلتتىق بانك ءتوراعاسى.
