ەۋروپادا جاڭا شەكتەۋلەر مەن ەرەجەلەر كۇشىنە ەندى

وسىعان بايلانىستى ەلدە شەكتەۋ شارالارى كۇشەيتىلەدى. ەندى قوعامدىق ورىنداردا ءتىپتى ون جاستان اسقان بالالار دا ماسكا تاعۋى قاجەت، كەمىندە 12-جەلتوقسانعا دەيىن مۇمكىندىگى بار ادامدار بەس كۇننىڭ ءتورت كۇنىندە ۇيدەن جۇمىس ىستەۋى كەرەك. شۆەتسيادا بيلىك العاش رەت كوۆيد پاسپورتى ەنگىزىلەتىنىن جاريالادى، ونى 1 -جەلتوقساننان باستاپ 100 دەن استام ادام قاتىساتىن جانە جابىق جەردە وتەتىن شارالارعا قاتىسۋ ءۇشىن ۇسىنۋ قاجەت بولادى.

«ەۋروپادا تاعى دا اۋرۋدىڭ تارالۋى بايقالىپ، كوپتەگەن ەلدەر جاڭا شەكتەۋلەر ەنگىزۋگە ءماجبۇر بولدى. شۆەتسيادا مۇنداي ءوسىم ءالى بايقالمايدى، ءبىراق ءبىز سىرتقى الەمنەن وقشاۋلانبايمىز جانە بۇل بىزگە دە اسەر ەتەتىنىنە دايىن بولۋىمىز كەرەك»، - دەدى شۆەتسيانىڭ دەنساۋلىق ساقتاۋ ءمينيسترى لەنا حاللەنگرەن.

اۋرۋلار سانىنىڭ ەداۋىر ءوسۋى سوڭعى كۇندەرى چەحيادا دا بايقالدى. سەيسەنبىدە مۇندا 22,5 مىڭعا جۋىق جاڭا جاعداي انىقتالدى، بۇل - پاندەميا باستالعاننان بەرگى ەڭ جوعارى كورسەتكىش. وسىعان بايلانىستى ەلدە ۆاكتسينالانباعان جانە كوۆيدپەن اۋىرىپ شىقپاعان ادامدار ءۇشىن جاڭا شەكتەۋلەر ەنگىزىلۋدە. بيلىك بۇعان دەيىن قابىلدانعان شارالار ينفەكسيانىڭ تارالۋىن بولدىرماۋ ءۇشىن جەتكىلىكسىز بولدى دەپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى