داۋرەن ابايەۆ قازاقستان مەن فرانسيانىڭ فۋتبول ماتچىنا قاتىستى پىكىر ءبىلدىردى

«13 -قاراشادا پاريجدە فرانسيا - قازاقستان فۋتبول ماتچى ءوتتى، وندا قازاقستان 8:0 ەسەبىمەن ويسىراي جەڭىلدى. مۇنى ءبىزدىڭ وتانداستارىمىز وتە اۋىر قابىلدادى. كوپشىلىگى ەلىمىزدەگى فۋتبولدى قارجىلاندىرۋدى توقتاتۋدى تالاپ ەتتى»، - دەدى «حابار» ارناسىندا «اشىق ديالوگ» باعدارلاماسىنىڭ جۇرگىزۋشىسى داۋرەن ابايەۆقا.

«ءيا، وسى ماتچ قورىتىندىسىنا جاۋاپ قاتقاندار كوپ بولدى. ارينە ۇلكەن ەسەپپەن جەڭىلۋ وتە اۋىر. قۇرامانىڭ ءوزى بارلىق وقيعادان قورىتىندى شىعارادى دەپ ويلايمىن. ەشكىمدى سىناعىم كەلمەيدى. جىگىتتەر ونسىز دا كوپ نارسە ەستىدى - اسىرەسە جاعىمسىز پىكىرلەر كوپ بولدى. الدا كوپ جۇمىس بار. ەڭسەنى تۇسىرمەۋ كەرەك. بۇل رەتتە ىرىكتەۋ كەزەڭىندە قۇرامامىز جاقسى ويىن كورسەتتى. ۋكراينامەن ەكى ماتچتا، بوسنيا مەن گەرتسەگوۆينامەن قوناق ماتچىن ويناعاندا ءبارىمىز قۋانىپ، قول شاپالاقتادىق. ارينە، بۇل دەڭگەي اۋا رايىنا، وتەتىن ورنىنا، كۇنتىزبەلىك جۇكتەمەگە قاراماستان ۇنەمى ساقتالۋى كەرەك. وسىنداي دەڭگەيگە ۇنەمى ۇمتىلۋ كەرەك. فۋتبول فەدەراتسياسى دا، قازاقستان قۇراماسى دا مۇنى جاقسى تۇسىنەدى»، - دەدى داۋرەن ابايەۆ.

سونىمەن بىرگە، د. ابايەۆ فۋتبولدى قارجىلاندىرۋعا قاتىستى سۇراققا جاۋاپ بەردى.

«بۇل جەردە پرەزيدەنت كاسىبي سپورتتى قولداۋدان بۇقارالىق بالالار سپورتىنا باسا نازار اۋدارۋدى تاپسىردى. بۇل باعىتتاعى جۇمىس قازىردىڭ وزىندە ءجۇرىپ جاتىر. ءبىراق ءبىز قازاقستاندىق فۋتبولدى قولداۋدان تولىق باس تارتۋعا بولمايتىنىن ءتۇسىنۋىمىز كەرەك. فۋتبول - الەمدەگى ەڭ تانىمال سپورت ءتۇرى. فۋتبولدى ەلەمەي، بۇقارالىق جانە بالالار سپورتىن دامىتۋ مۇمكىن ەمەس شىعار. ويتكەنى، ەڭ دارىندى بالالار ءۇشىن كاسىبي كلۋبتاردا ويناۋ جاقسى ىنتالاندىرۋ بولار ەدى»، - دەدى د. ابايەۆ.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى