قازاقستان ازيا مەن ەۋروپانى جالعايتىن ماڭىزدى ترانزيتتىك كوپىرگە اينالدى – ەلباسى
بۇل تۋرالى ق ر تۇڭعىش پرەزيدەنتى - ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.
«بۇگىندە ءبىز ورتالىق ازياداعى ءىرى ەكونوميكاعا اينالدىق. بۇكىل وڭىردەگى جالپى ءونىمنىڭ جارتىسىنان كوبى قازاقستان ۇلەسىنە تيەسىلى. ءبىز ەلىمىزگە شامامەن 250 ميلليارد دوللار تىكەلەي ينۆەستيتسيا تارتتىق. ازاماتتاردىڭ ءال- اۋقاتى ەسەلەپ ارتىپ، شىعىس ەۋروپانىڭ ءبىرقاتار ەلىنىڭ دەڭگەيىنە جەتتى. رەسەيدى عانا العا جىبەرىپ، ت م د- دا ەكىنشى ورىنعا شىقتىق. ۇلتتىق قور قۇرىلدى. بۇل - قازىرگى جانە بولاشاق ۇرپاق ءۇشىن قالقان، بايىپتى اكتيۆ. ەلىمىزدىڭ التىن- ۆاليۋتا قورى شامامەن 100 ميلليارد دوللاردى قۇرايدى. ەكونوميكانى قارقىندى يندۋستريالاندىرۋ جانە سەرۆيستىك ونەركاسىپ قۇرۋ جۇرگىزىلىپ جاتىر. ول شيكىزات رەسۋرستارىنا تاۋەلدىلىكتەن ارىلۋعا باعىتتالعان. تەڭىزگە شىعار جولى جوق ەل بولعاندىقتان 15 مىڭ شاقىرىمنان استام اۆتوموبيل جانە تەمىر جول سالدىق»، - دەدى ەلباسى «استانا كلۋب-2021» وتىرىسىندا.
نۇرسۇلتان نازاربايەۆ بۇل قازاقستانعا تىنىق جانە اتلانت مۇحيتتارىنا، سونىمەن قاتار پارسى شىعاناعىنا شىعۋعا مۇمكىندىك بەرگەنىن اتاپ ءوتتى.
«جانە دە 3,6 مىڭ شاقىرىم تەمىر جول سالىندى. ەگەر سالىستىرمالى تۇردە ايتار بولساق، كەڭەس بيلىگى 70 جىلدىڭ ىشىندە ۇزىندىعى 1300 شاقىرىم بولاتىن ءبىر عانا تۇركىسىب تەمىر جولىن سالدى. ال ءبىزدىڭ قىسقا عانا ۋاقىتتىڭ ىشىندە وسىنشاما جول سالۋىمىزدىڭ ءوزى تالاي جايتتى اڭعارتادى. باسقاشا ايتار بولساق، قازاقستان ازيا مەن ەۋروپانى، سولتۇستىك پەن وڭتۇستىكتى جالعايتىن ماڭىزدى ترانزيتتىك كوپىرگە اينالدى. ءبىز ۇزىندىعى 15 مىڭ شاقىرىمدى قۇرايتىن مەملەكەتتىك شەكارامىزدا زاڭدى تۇردە راسىمدەدىك»، - دەدى ق ر تۇڭعىش پرەزيدەنتى.
قازاقستان اۋعان حالقىنا ازىق- تۇلىك جەتكىزۋ كولەمىن ارتتىرۋعا دايىن.
«اۋعانستانداعى كۇردەلى احۋالدى تۇراقتاندىرۋ ءۇشىن حالىقارالىق كۇش- جىگەردى شوعىرلاندىرۋ ماڭىزدى. قازاقستان بۇل پروتسەسس اياسىندا ماڭىزدى ورتالىق بولۋدا ۇلكەن الەۋەتكە يە. ءبىز كارزاي مىرزامەن ول پرەزيدەنت بولعان كەزدەن- اق بىرگە جۇمىس ىستەۋدى باستادىق جانە مىڭداعان اۋعان قازاقستاننىڭ وقۋ ورىندارىندا وقىپ، ماماندىق الدى جانە ەلىنە ورالدى. ۇنەمى گۋمانيتارلىق كومەك كورسەتتىك جانە ءقازىر دە وعان دايىنبىز»، - دەپ ەسكە الدى ەلباسى «استانا كلۋب-2021» وتىرىسىندا.
ق ر تۇڭعىش پرەزيدەنتى وسى جىلدىڭ تامىزىندا الماتىعا ب ۇ ۇ- نىڭ اۋعانستانعا جاردەم كورسەتۋ جونىندەگى ميسسياسى قىزمەتكەرلەرىنىڭ كوشىپ كەلگەنىن ەسكە سالدى.
«ب ۇ ۇ دا اۋعانستانعا گۋمانيتارلىق كومەك جەتكىزۋ ءۇشىن الماتىدا حالىقارالىق لوگيستيكالىق حاب قۇرۋ باستامامىزعا قولداۋ كورسەتتى. قازان ايىنىڭ ورتاسىندا دەلەگاتسيامىز اۋعانستانعا بارىپ، اۋعان حالقىنا 5 مىڭ توننا قازاقستاندىق ۇن جەتكىزدى. حالىقارالىق دونورلاردى اۋعانستانعا گۋمانيتارلىق كومەك كورسەتۋ جانە قالپىنا كەلتىرۋدە قازاقستاندى بەلسەندى پايدالانۋعا شاقىرامىن. وسى تۇرعىدا مەنىڭ الماتىدا ب ۇ ۇ- نىڭ اۋعانستاندى وڭالتۋ حالىقارالىق ورتالىعىن قۇرۋ يدەيامنىڭ وزەكتىلىگى ارتا تۇسەدى. قازاقستان ب ۇ ۇ تەتىكتەرى ارقىلى اۋعان حالقىنا ازىق- تۇلىك جەتكىزۋ كولەمىن ارتتىرۋعا دايىن»، - دەدى نۇرسۇلتان نازاربايەۆ.
