ازەربايجان شەكاراداعى قاقتىعىس كەزىندە جەتى اسكەريدىڭ قازا تاپقانىن مالىمدەدى

بۇل تۋرالى ازەربايجان قورعانىس مينيسترلىگى حابارلادى. «16- قاراشادا اسكەري وپەراتسيالار كەزىندە ازەربايجان قارۋلى كۇشتەرىنىڭ جەتى اسكەري قىزمەتشىسى قازا تاپتى»، - دەلىنگەن ۆەدومستۆونىڭ باسپا ءسوز قىزمەتىنىڭ حابارلاماسىندا.

زارداپ شەككەندەر تىزىمىندە لەيتەنانت، پراپورشيك، كىشى سەرجانت جانە ءتورت بەيبىت تۇرعىننىڭ بار ەكەنى بەلگىلى بولدى.

ايتا كەتەيىك، ازەربايجان مەن ارمەنيا شەكاراسىندا قاقتىعىس بولدى. ەكى جاق تا شەكارا اۋماعىنا قوسىمشا اۋىر زەڭبىرەكتەر مەن باسقا اسكەري تەحنيكالار اكەلگەن. ەكى ەل ءبىرىن- ءبىرى «شابۋىلدى ءبىرىنشى باستادى» دەپ ايىپتاپ وتىر. بۇل تۋرالى «اسسوۋشەيتيد پرەسس» اگەنتتىگىندە ءمالىم بولدى. جانجالعا بايلانىستى قاۋىپسىزدىك كەڭەسىنىڭ شۇعىل وتىرىسىن وتكىزگەن ارمەنيا پرەمەر- ءمينيسترى نيكول پاشينيان جيىندى ءۇنسىز ەسكە الۋمەن باستادى.

نيكول پاشينيان، ارمەنيا پرەمەر- ءمينيسترى:

- ازەربايجان مەن ونىڭ جاقتاستارى باسقىنشىلىق ارەكەتتەرىن جالعاستىرۋدا. بەرەتىن باعام بىرەۋ: ازەربايجان مەن ونىڭ جاقتاستارى ءبىزدىڭ ەگەمەندىگىمىز بەن تاۋەلسىزدىگىمىزگە قول سۇقتى.

انار ايۆازوۆ، ازەربايجان قورعانىس مينيسترلىگىنىڭ رەسمي وكىلى:

- ارمەنيا قارۋلى كۇشتەرىنىڭ اسكەري ارەكەتتەرىن توقتاتۋ ءۇشىن كەلبادجار مەن لاشىن باعىتىندا ورنالاسقان ءبىزدىڭ بولىمدەر قارسى سوققى بەردى. قارسى تاراپتىڭ ساربازدارى مەن تەحنيكالارىنا زاقىم كەلدى. ارمەنيانىڭ تانكىگە قارسى كۇشتەرى مەن مينومەت تالقاندالدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى