پەش جاققان كەزدە قانداي قاۋىپسىزدىك ەرەجەلەرىن ساقتاۋ كەرەك
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، بيىلعى جىلىتۋ ماۋسىمى باستالعالى بەرى وڭىردە 5 ادامعا، ونىڭ ىشىندە 3 بالاعا ءيىس تيگەن. مەديتسينالىق مەكەمەگە جاتقىزىلعان ولاردىڭ بارلىعى امان- ەسەن.
«كوبىنە حالىق قاراپايىم ۇمىتشاقتىق سالدارىنان ۋلانىپ جاتادى. تۇرعىندار مۇرجاداعى جاپقىشتى اشۋدى ەسىنەن شىعارىپ، پەشتى ۋاقىتىلى تازالامايدى. ۋلى گازدىڭ ءيىسى مەن ءتۇسى جوق. سوندىقتان ول وتە قاۋىپتى. تىنىس الۋ كەزىندە اعزاعا، ودان كەيىن وكپەدەن قان اينالىم جۇيەسىنە ەنەدى. ادامنىڭ جۇيكە جۇيەسىنە زاقىم كەلتىرۋى ىقتيمال. بۇل اسىرەسە كىشكەنتاي بالالار ءۇشىن اسا قاتەرلى»، - دەيدى قۇتقارۋشىلار.
ازاماتتار ساقتىق شارالارىن ءاردايىم قاپەردە ۇستاۋ كەرەك. مۇرجالاردى تازالاۋ كەزىندە جارىقتار مەن اقاۋلاردى جويۋ قاجەت. جىلىتۋ ماۋسىمىندا پەشتى كەمىندە 3 ايدا ءبىر رەت تازالاۋى ءتيىس. وتتى تۇرعىندار ۇيقىعا كەتكەنگە دەيىن كەمىندە 2 ساعات بۇرىن جاققان ءجون. كۇلگە سۋ توگىپ، ۇيدەن كەمىندە 15 مەتردەي جەرگە شىعارۋ كەرەك.
«بۇگىندە قۇتقارۋشىلار شىعىس قازاقستانداعى 148000 ءۇيدى ارالاپ شىقتى. ءار ءۇي يەسىنە پەشتى قاۋىپسىز پايدالانۋ ەرەجەلەرى ءتۇسىندىرىلدى. سونداي- اق 8 مىڭنان استام جالعىزباستى قارتتار، مۇگەدەكتەر مەن كوپبالالى وتباسىلار تۇراتىن ۇيلەرگە ۋلى گاز داتچيكتەرى ورناتىلىپ جاتىر»، - دەدى وبلىستىق ت ج د مەملەكەتتىك ءورت باقىلاۋ باسقارماسىنىڭ باستىعى سەرىك امانگەلدين.
