الەمدە ەڭ جىلدام دامىپ جاتقان مەملەكەت بەلگىلى بولدى
مۇنداي دەرەكتەر McKinsey كونسالتينگتىك كومپانياسىنىڭ ەسەبىندە كەلتىرىلگەن.
كەيىنگى 20 جىلدا الەمدەگى جالپى بايلىق ءۇش ەسە ءوستى. ساراپشىلار الەمدىك تابىستىڭ مۇنداي كۇرت ءوسۋىن تۇرعىن ءۇي باعاسىنىڭ وسۋىمەن بايلانىستىرادى.
McKinsey دۇنيە جۇزىندەگى جالپى كىرىستىڭ 60 پايىزىن قۇرايتىن 10 ەلدىڭ اكتيۆتەرىن، ياعني جەكە تۇلعالار مەن كاسىپورىندارعا تيەسىلى بارلىق اكتيۆتەردىڭ قۇنىن زەرتتەدى. ناتيجەگە سايكەس، 2020-جىلى الەمنىڭ جالپى بايلىعى 514 تريلليون دوللارعا جەتكەن. عاسىرلار توعىسىندا بۇل كورسەتكىش 156 تريلليون دوللاردى قۇرادى. بۇل ءوسىمنىڭ ۇشتەن ءبىرى قىتايعا تيەسىلى.
ەلدىڭ جالپى بايلىعى 2000-جىلى 7 تريلليون دوللاردان 2020-جىلى 120 تريلليون دوللارعا دەيىن ءوستى. ا ق ش- تا بۇل كورسەتكىش ەكى ەسە ارتىپ، 90 تريلليون دوللارعا جەتتى. ەكى ەلدە دە بارلىق اكتيۆتەردىڭ ۇشتەن ەكىسىنەن استامى حالىقتىڭ 10 پايىزىنا عانا تيەسىلى.
سونىمەن قاتار، الەمدەگى جالپى اكتيۆتەردىڭ 68 پايىزى جىلجىمايتىن مۇلىك بولىپ تابىلادى. McKinsey ساراپشىلارىنىڭ پىكىرىنشە، كەيىنگى 20 جىلدا جاھاندىق اكتيۆتەر قۇنىنىڭ كۇرت ءوسۋى تومەن پايىزدىق مولشەرلەمەگە بايلانىستى جىلجىمايتىن مۇلىك باعاسىنىڭ وسۋىمەن بايلانىستى.
زەرتتەۋلەر كورسەتكەندەي، الەمدە جىلجىمايتىن مۇلىك تابىستىڭ وسۋىنەن تەزىرەك قىمباتتاپ جاتىر. بۇل باسپانا الۋعا مۇمكىندىگى بار ادامدار سانىنىڭ ازايۋىنا اكەلەدى. سونىمەن قاتار، جىلجىمايتىن مۇلىك باعاسىنىڭ تەز ءوسۋى ا ق ش- تاعى 2008-جىلعى قارجىلىق داعدارىسقا ۇقساس داعدارىس قاۋپىن ارتتىرادى.
massaget.kz
