الماتىدا ۇرى ءوزىن توقتاتپاق بولعان پوليتسەيلەردىڭ بىرىنە پىشاق سالدى
«الماتى جاستارى» باعدارلاماسى بويىنشا 900 ءوتىنىم ماقۇلداندى الەۋمەتتىك جەلىدە ايالدامادا ەر ادامدى ۇرىپ-سوعىپ جاتقان ءسات تۇسىرىلگەن ۆيدەو تارادى.
«تيميريازيەۆ ايالداماسى. بىرنەشە ەر ادام ءبىر ادامدى سوققىعا جىقتى»، - دەپ جازادى جەلى قولدانۋشى.
ءوز كەزەگىندە قالالىق پوليتسيا وقيعانىڭ ءمان-جايىن ءتۇسىندىردى.
«ۆيدەوعا اككى ۇرىنى ۇستاۋ كەزى ءتۇسىپ قالعان. ەر ادام الماتى اۋماعىندا ءۇش ۇرلىق جانە ءبىر توناۋ جاسادى دەگەن كۇدىككە ءىلىندى. ول- 1989-جىلى تۋعان تاراز قالاسىنىڭ تۇرعىنى. بۇعان دەيىن ول ۇرلىق جاساعانى ءۇشىن بىرنەشە رەت سوتتى بولعان»، - دەپ حابارلادى الماتى قالالىق پوليتسيا دەپارتامەنتىنەن.
ۆەدومستۆونىڭ مالىمەتىنشە، ۇستاۋ كەزىندە كۇدىكتى پوليتسيا قىزمەتكەرلەرىنە قارسىلىق كورسەتىپ، ءتارتىپ ساقشىلارىنىڭ ءبىرىن پىشاقپەن جارالادى. اتالعان دەرەك سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى. كۇدىكتى ۇستالدى.
