ا ق ش ينفراقۇرىلىمدى دامىتۋ ارقىلى جۇمىس ورىندارىن اشادى
سونداي- اق ميلليونداعان تۇرعىن جىلدامدىعى جوعارى ينتەرنەتكە قول جەتكىزەدى. اۋەلدە جوبا قۇنى 3 جارىم تريلليون دوللارعا جەتكەن. ءبىراق كوپ ايقايدان سوڭ قاراجات 3 ەسە قىسقارعان.
دجو بايدەن، ا ق ش پرەزيدەنتى:
- الەم تۇبەگەيلى وزگەردى. ءبىز كوپ نارسەگە دايىن بولۋىمىز كەرەك. كەلەسى جىلى امەريكا 20 جىلدا العاش رەت ينفراقۇرىلىمعا قىتايعا قاراعاندا كوبىرەك اقشا سالعان جىل بولماق. جارتى عاسىردان كەيىن تاريحشىلار «ءدال وسى ساتتەن ا ق ش -21 عاسىردىڭ بايگەسىندە كوش باستادى» دەپ ايتارىنا ەش كۇمانىم جوق. ءبىز وسى زاڭ جوباسىن قابىلداماعاندا ا ق ش كوشباسشى مەملەكەت مارتەبەسىنەن ايىرىلار ەدى.
امەريكاندىقتاردىڭ 70 پروتسەنتكە جۋىعى «ا ق ش- تىڭ ەكونوميكاسى قيىن جاعدايدا» دەپ ەسەپتەيدى. بۇل تۋرالى «ۋوشينگتون پوست» جانە «ەي- بي- سي» كومپانياسى قاراشانىڭ 7- ءسى مەن 10-ى ارالىعىندا جۇرگىزگەن ساۋالنامادان كەيىن بەلگىلى بولدى. وعان ءبىر مىڭنان استام ازامات قاتىسقان. سونداي- اق رەسپوندەنتتەردىڭ 49 پروتسەنتى كوۆيدكە قارسى شارالارعا كوڭىلى تولمايتىنىن، ال 47 پروتسەنتى قولدايتىنىن كورسەتكەن.
ساراپشىلاردىڭ ايتۋىنشا، ا ق ش- تاعى ەكونوميكالىق جاعدايعا تاۋار جەتكىزۋ ءىسىنىڭ كەدەرگىگە ۇشىراۋى باستى سەبەپ. وسىنىڭ كەسىرىنەن ەلدە ينفلياتسيا دەڭگەيى وسكەن. ماسەلەن، حالىق سانى ەڭ كوپ كاليفورنيا شتاتىندا گازدىڭ ءبىر گاللونى 4682 دوللارعا قىمباتتادى. بۇل بۇرىن- سوڭدى بولماعان ەڭ جوعارى باعا.
