جاپونيادا ونداعان پورتتى قالقىمالى كەۋەك تاستار ماسساسى باسىپ قالدى - ۆيدەو

بۇل ماتەريال بۇگىنگى كۇنگە دەيىن ونداعان بالىق اۋلاۋ پورتتارىن باسىپ، ەلدىڭ وڭتۇستىك- باتىسىنداعى تەڭىز ومىرىنە اسەرىن تيگىزىپ ۇلگەرگەن. جاپونيانىڭ تەڭىز ورتاسىن، جەر جانە تەحنولوگيالارىن زەرتتەۋ اگەنتتىگىنىڭ سۋپەركومپيۋتەر ارقىلى جاساعان بولجامىنا سايكەس، بۇل جانارتاۋدان پايدا بولعان كەۋەكتاستار ماسساسى تيبا مەن كاناگاۆا پرەفەكتۋرالارىنداعى جاعالاۋعا قاراشانىڭ سوڭىندا جەتەدى.

تاستار تىنىق مۇحيتىنداعى وگاساۆارا ارالدار تىزبەگىندەگى فۋكۋتوكۋ- وكانابا جەراستى جانارتاۋىنان اتقىلانعان دەپ سانالۋدا. جانارتاۋ 13-تامىزدا قازىرگى جاپونيادا بايقالىپ وتىرعان جانارتاۋ اتقىلاۋلارىنىڭ ىشىندە ەڭ ءىرىسى بولىپ تابىلادى. كەۋەكتاستار تىنىق مۇحيتى سۋلارىندا قالقىپ جۇرگەن. قازان ايىنىڭ باسىندا بۇلار جانارتاۋ اتقىلاعان جەردەن 1000-نان استام شاقىرىم قاشىقتىقتا، سونداي-اق كورشىلەس كاگوسيما پرەفەكتۋراسىنان بايقالعان. ال قازان ايىنىڭ سوڭىندا تاستار جاپونيانىڭ باتىسىنداعى كوتي پرەفەكتۋراسىنىڭ سۋلارىندا، وكيناۆادان سولتۇستىك- شىعىسقا قاراي شامامەن 1000 شاقىرىم جەردە قالقىپ جۇرگەن.

كەۋەك تاس وكيناۆا مەن كاگوسيماداعى بالىق اۋلاۋ شارۋاشىلىعى مەن تۋريزم سالاسىنا وراسان زور شىعىن كەلتىردى. قالقىمالى كەۋەك تاس بالىقشىلاردى جۇمىس ىستەۋ مۇمكىندىگىنەن ايىرىپ وتىر، سەبەبى ماتەريال ولاردىڭ قايىقتارىنداعى قوزعالتىشتاردىڭ جۇمىسىنا كەدەرگى كەلتىرە الادى.

قولمەن وڭاي ۋاتىلا الاتىن جۇمساق تاستار قاباتى سۋعا تۇسەتىن كۇن ساۋلەسىن تولىق جاۋىپ، تەڭىز الەمىنە دە كەرى اسەرىن تيگىزىپ وتىر. ورتالىق ۇكىمەت زارداپ شەككەن بالىقشىلارعا قارجىلاي كومەك كورسەتىپ، تاستاردى سۋدان جارىم-جارتىلاي شىعارۋ شىعىندارىن وتەۋدى جوسپارلاۋدا.

اۆتور: زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى