الەمدى ادامنىڭ يممۋنيتەت تاپشىلىعىنىڭ ۆيرۋسى جايلاپ بارادى

ويتكەنى كەيىنگى ۋاقىتتا دەنساۋلىق ساقتاۋ سالاسى تۇگەلدەي كوۆيد-19-بەن كۇرەسكە جۇمىلدىرىلعان. ەندىگى ءبىر قىزىق عالىمدار كوروناۆيرۋس ادامنىڭ يممۋن تاپشىلىعى ۆيرۋسىمەن كۇرەسكە «ءوز سەپتىگىن تيگىزگەنىن» دە ايتادى. عالىمدار الەمدى دەندەگەن كوۆيد-19 ادامنىڭ يممۋن تاپشىلىعى ۆيرۋسىن ەمدەۋگە «وڭ اسەر ەتتى» دەيدى.

ماسەلە مىنادا. كوروناۆيرۋسپەن كۇرەستە ماتريتسالىق ر ن ق- ۆاكتسينالار ءوز تيىمدىلىگىن كورسەتكەن. وندىرۋشىلەر بۇل تەحنولوگيانى ادامنىڭ يممۋن تاپشىلىعى ۆيرۋسىمەن كۇرەستە دە نەگە قولدانىپ كورمەسكە دەگەن ويعا كەلگەن. ءسويتىپ، امەريكاندىق مودەرنا كومپانياسى ءتيىستى ەكپە جاساپ شىعارعان. قازىر ونى كلينيكالىق سىناقتان وتكىزۋ جۇمىستارى ءجۇرىپ جاتىر. ولار 2023 -جىلدىڭ كوكتەمىنە دەيىن جالعاسۋى ءتيىس. زەرتتەۋگە مودەرنامەن قوسا بىرنەشە ءىرى ۇيىمدار دا قاتىسىپ جاتىر.

بارت حەينس، DUKE UNIVERSITY HUMAN VACCINE INSTITUTE ديرەكتورى:

- ۆاكسينا ارقاسىندا ادام اعزاسىندا انتيدەنەلەر پايدا بولسا، ولار يممۋن تاپشىلىعى ۆيرۋسىن ارى قاراي تارالماي تۇرىپ جەڭۋى مۇمكىن دەگەن ءۇمىت پايدا بولادى. شىنى كەرەك، ءبىز كوروناۆيرۋسقا قارسى پرەپاراتتار سەكىلدى بۇل ەكپەنىڭ تيىمدىلىگى 100 نەمەسە 90 پروتسەنت بولادى دەپ وتىرعان جوقپىز. الايدا كورسەتكىشتى 50-60 پروتسەنتكە جەتكىزسەك، بۇل بۇكىل ادامزات ءۇشىن ۇلكەن جەتىستىك بولار ەدى.

جالپى ادامنىڭ يممۋن تاپشىلىعى ۆيرۋسىنا قارسى 40 تان اسا ۆاكتسينا كلينيكالىق سىناقتان وتكەن. ءبىراق ءبارىنىڭ تيىمدىلىگى تومەن بولىپ شىققان. سوندىقتان ماتريسالىق ر ن ق- تەحنولوگياسى نەگىزىندەگى جاڭا ەكپەگە ءۇمىت زور. ال ازىرگە يممۋن تاپشىلىعى ۆيرۋسى بار ادامداردى ەمدەۋدە انتيرەتروۆيرۋستىق تەراپيا قولدانىلادى. بۇرىنمەن سالىستىرعاندا ول ايتارلىقتاي وزگەرگەن. ماسەلەن، العاشىندا ەمدەلۋشىلەر ۋىس- ۋىس ءدارى ىشەتىن بولسا، بۇگىندە پرەپاراتتى كۇنىنە ءبىر رەت قابىلداۋ جەتكىلىكتى.

ستاتيستيكا بويىنشا، يممۋن تاپشىلىعى ۆيرۋسىن جۇقتىرعان ادام جىلىنا 1500 مىڭ تابلەتكا قابىلدايدى ەكەن. بۇل ارينە وتە كوپ. سوندىقتان قازىر ا ق ش، كانادا مەن ەۋروپا ەلدەرىندە انتيرەتروۆيرۋستىق تەراپيانى ينەكسيا تۇرىندە جۇرگىزۋ جاعى قولعا الىنىپ جاتىر. عالىمدار ونداي ءدارىنى 1-2 ايدا ءبىر سالسا جەتكىلىكتى دەيدى. الداعى ۋاقىتتا تىپتەن جارتى جىلدا ءبىر رەت ەگۋ جوسپارلانىپ وتىر.

ەۆگەني كاچمان، تەل- اۆيۆتەگى «يحيلوۆ» اۋرۋحاناسىنىڭ جەتەكشى ينفەكتسيونيست دارىگەرى:

- ادامنىڭ يممۋن تاپشىلىعى ۆيرۋسىن ەمدەۋدە ءبىز پرەپاراتتاردى قابىلداۋ جيىلىگىن مينيمالدى كورسەتكىشكە دەيىن جەتكىزدىك. ياعني قازىر ناۋقاستار كۇنىنە ءبىر رەت قانا ءدارى قابىلدايدى. دەنساۋلىعىنا قاتىستى قوسىمشا پروبلەمالارى بارلارى تاۋلىگىنە 2 رەت ءىشۋى مۇمكىن. ەڭ باستىسى - دارىلەردىڭ جاناما اسەرى جوق دەسەك بولادى. بۇل دا وتە ماڭىزدى.

جالپى ب ۇ ۇ- نىڭ مالىمەتىنە سايكەس، بىلتىر الەمدە ادامنىڭ يممۋن تاپشىلىعى ۆيرۋسىن جۇقتىرعاندار سانى 37 ميلليوننان اسىپ كەتكەن. يننوۆاتسيالار ارقاسىندا كەيىنگى جىلدارى ناۋقاستاردىڭ ءومىر ءسۇرۋ ۇزاقتىعى ارتقانى ءسوزسىز. ال دياگنوستيكا مەن ەمدەۋدىڭ قولجەتىمدىلىگى ءولىم- ءجىتىم كورسەتكىشىن 2004 -جىلمەن سالىستىرعاندا 64 پروتسەنتكە ازايتقان.

عالىمدار كەيبىر ادامدار ۆيرۋس جۇقتىرعانىن بىلمەي ۇزاق جىلدار بويى جۇرە بەرۋى مۇمكىن ەكەنىن ايتادى. سوندىقتان ەڭ باستىسى، ۆيرۋستى نەعۇرلىم تەز انىقتاۋ دەيدى ماماندار. سونداي- اق الدىن الۋ شارالارى جايلى ۇمىتپاۋ كەرەكتىگىن دە ەسكە سالادى.

جۇلدىز اتاگەلديەۆا، اسەل ابدىحالىقوۆا

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى