ەر ادامنىڭ دەنساۋلىعىنا پايدالى سۋسىندار
بۇل سۋسىندار ەر ادامنىڭ اعزاسىن قاجەتتى ەلەمەنتتەرمەن بايىتىپ، تەستوستەرون گورمونىن ءوز دەڭگەيىندە ۇستاۋعا كومەكتەسەدى.
اناردان جاسالعان سۋسىننىڭ قۇرامىندا ا، B1, B2, B6, C سىندى دارۋمەندەر، تەمىر، كالي، ماگني جانە فوسفور سىندى ميكروەلەمەنتتەر مول. قاتەرلى ىسىكتىڭ الدىن الۋعا قاجەتتى انتيوكسيدانتتار كوپ. قان تامىرىنىڭ يىلگىشتىگىن ارتتىرىپ، ەر ادامنىڭ قابىلەتىن - ەرەكسيانىڭ ۇزاق بولۋىنا كومەكتەسەدى.
ال اسقاباق سۋسىنىنىڭ قۇرامىندا مىرىش مول. مىرىش تەستوستەروندى كوبەيتۋگە كومەكتەسەدى. دارىگەرلەر «پروستاتيتتىڭ الدىن العىڭىز كەلسە، اسقاباق سۋسىنىن ءجيى ءىشىپ ءجۇرىڭىز» دەپ كەڭەس بەرەدى.
قاربىز سۋسىنىندا سيترۋللين مەن امينقىشقىلدارى مول. ولار قان تامىرىنىڭ كەڭەيۋىنە، سول ارقىلى قان اينالىمىنىڭ جاقسى جۇرۋىنە كومەكتەسەدى. اسىرەسە، سيترۋللين ەر ادامنىڭ مۇشە جاعىنا قان ءجۇرۋىن قامتاماسىز ەتەدى. سيترۋلليننىڭ تاعى ءبىر ارتىقشىلىعى - اعزادا ارگينين سىندى امين قىشقىلىنىڭ ءتۇرىن ءوندىرىپ، بۇل قىشقىل ازوت وكسيدىنىڭ كوپ بولۋىنە اكەلەدى. ال ازوت وكسيدى ەر ادامنىڭ مۇشەسىنە قاننىڭ مولىراق كەلىپ، ەرەكسيانىڭ بەرىك بولۋىنا سەپتىگىن تيگىزەدى.
ال بالدىركوكتەن جاسالعان سۋسىننىڭ قۇرامىندا اندروتەستوسەرون كوپ. ال بۇل گورمون تەستوستەروننىڭ تۇزىلۋىنە كومەكتەسەدى. بالدىركوك سۋسىنى ىشەك- اسقازان جانە نەسەپ- بۇيرەك اۋرۋلارىن جازۋعا مۇمكىندىگى بار.
