الماتى وبلىسىندا ءبىر وتباسى كولىكپەن باتپاقتى توعانعا باتىپ كەتتى

جەلىدە 3 ادامنىڭ جوعالىپ كەتكەنى تۋرالى اقپارات تاراعان بولاتىن.

«14- قاراشادا 167 KSY 05 مەملەكەتتىك ءنومىرى بار «Skoda Superb» اۆتوموبيلىمەن ءۇش ادام جوعالىپ كەتتى. الماتىدان ۇشتوبە قالاسىنا جولعا شىققان. ساعات 19:00 دە تالدىقورعان اركاسىنان وتكەننەن كەيىن بايلانىسقا شىقپاعان»، - دەلىنگەن Instagram-داعى پابليكتەردىڭ بىرىندە.

كەيىنىرەك وسى توپتا كولىكتىڭ ۇشتوبەگە بارا جاتقان جولدا اۋدارىلعان كۇيى باتپاقتى سۋ توعانىنان تابىلعانى حابارلاندى.

الماتى وبلىستىق پوليتسيا دەپارتامەنتىنىڭ مالىمەتىنشە، 15- قاراشادا تالدىقورعان قالالىق پوليتسيا بولىمىنە 27 جاستاعى قاراتال اۋدانىنىڭ تۇرعىنى 14- قاراشا ساعات 17.00 شاماسىندا «Skoda Superb» ماركالى كولىكپەن اتا-اناسى مەن اپكەسى جولعا شىعىپ كەتىپ، ءىز-ءتۇزسىز جوعالعانىن ايتقان.

«سول كۇنى پوليتسيا قىزمەتكەرلەرى «تالدىقورعان-ۇشتوبە» تاسجولىنان اۋدارىلعان «Skoda Superb» كولىگىن تاپتى. الدىن الا مالىمەت بويىنشا، 60 جاستاعى جۇرگىزۋشى رۋلدى يگەرە الماي، اۋدارىلعان. جول اپاتى سالدارىنان جۇرگىزۋشى مەن ونداعى 47 جانە 19 جاستاعى جولاۋشىلار وقيعا ورنىندا مەرت بولعان. قازىرگى ۋاقىتتا ق ر ق ك 345-بابى 4-بولىگى بويىنشا سوتقا دەيىنگى تەرگەۋ امالدارى ءجۇرىپ جاتىر. وقيعانىڭ ءمان-جايى انىقتالۋدا»، - دەدى الماتى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى