ۆولەيبول: قازاقستان سۋپەركۋبوگىنىڭ يەگەرى انىقتالدى

باس جۇلدەنى ەل چەمپيونى الماتىنىڭ «بۋريەۆەستنيگى» مەن قازاقستان كۋبوگىنىڭ يەگەرى «تاراز» كومانداسى ساراپقا سالدى.

تارتىستى وتكەن ماتچ بارىسىندا بەلگىلى باپكەر الەكساندر زاپيەۆالوۆ جاتتىقتىراتىن الماتىلىقتار العاشقى ەكى سەتتى ءوز ەسەپتەرىنە جازدى - 25:22، 25:19.

دەگەنمەن بوريس گرەبەننيكوۆ باپتايتىن تارازدىقتار ءۇشىنشى پارتيادا تارازى باسىن وزدەرىنە اۋدارا ءبىلدى - 25:18. ءتورتىنشى سەتتە الدىمەن الماتىلىقتار 9:2 ەسەبىمەن العا شىققانىمەن، تارازدىقتار دا قالىسپادى. تارازى باسىن تەڭەستىرىپ قانا قويماي، وزدەرى العا شىعا ءبىلدى.

سەت سوڭىنا تامان «بۋريەۆەستنيك» ساپىنداعى ميحايل ۋستينوۆ، سەرگەي ريازانوۆ، نوديرحان قادىرحانوۆ سىندى ۆولەيبولشىلار ءساتتى ويناپ، جەڭىستى جۇلىپ الدى - 25:23. جالپى ەسەپ - 3:1.

«بۋريەۆەستنيك» وتكەن جىلى دا سۋپەركۋبوك ءۇشىن ويىندا «اتىراۋدى» ۇتقان بولاتىن. بيىل سول جەتىستىگىن تاعى قايتالادى.

ەرتەڭ ەرلەر كوماندالارى اراسىندا ۇلتتىق ليگانىڭ ءبىرىنشى تۋر ويىندارى باستالادى.

ەسكە سالا كەتەيىك، بۇدان بۇرىن ايەلدەر كوماندالارى اراسىندا وسكەمەننىڭ «التايى» قازاقستان كۋبوگىنىڭ جەڭىمپازى اتانعانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى