ۇكىمەت باسشىسى جۇمىس كەستەسىمەن ءبولىستى

«قاي جەردە بولسام دا ۇنەمى سپورتتىق فورمادا جۇرەمىن. ول جەردە مۇمكىندىك بولسا، كۇندەلىكتى سپورتمەن اينالىسۋعا تىرىسامىن»، - دەدى ۇكىمەت باسشىسى ب ا ق وكىلدەرىمەن كەزدەسۋى بارىسىندا.

پرەمەر- ءمينيستردىڭ اتاپ وتۋىنشە، كۇندەلىكتى ساعات 07:15-تە ق ر ىشكى ىستەر ءمينيسترى ەرلان تۇرعىمبايەۆتىڭ بايانداماسى الدىنا كەلەدى.

«ونىڭ بايانداماسىنان كەيىن توتەنشە جاعدايلار مينيستر يلينمەن اڭگىمەلەسەمىن. ول دا مەنەن ەرتەرەك كەلىپ، اقپاراتتاردى الادى. بۇل رەتتە مينيسترلەرگە، ورىنباسارلارىما مۇنانداي ۋاقىتتا كەل دەپ شارت نەمەسە ءوتىنىش جاساعان ەمەسپىن. ءارقايسىسى ءوز كەستەسىنە وراي كەلىپ، جۇكتەمەسىنە بايلانىستى جۇمىس ىستەيدى»، - دەدى اسقار مامين.

ۇكىمەت باسشىسىنىڭ جۇمىس كەستەسى وتە كەش اياقتالادى.

«تاۋلىك لەزدە وتە شىعادى. ويتكەنى، ءتۇرلى كەزدەسۋلەر مەن جيىندار وتە كوپ. ءبىراق، ۇزاققا سوزىلاتىن جيىنداردى ۇناتپايمىن. ەگەر بايقساڭىزدار، ۇكىمەت وتىرىستارىمىز 1 ساعاتتان ارى سوزىلمايدى. ۇكىمەت وتىرىسىنىڭ كۇنتارتىبىندەگى ماسەلەلەردى تالقىلاۋ ءۇشىن ارى كەتكەندە 1 ساعات قانا بولادى. سوندىقتان سەيسەنبى كۇنى ساعات 9-دان 10-عا دەيىن ۇكىمەت وتىرىسىن وتكىزەمىز. ودان كەيىن اركىم ءوز جۇمىسىمەن اينالىسادى. بۇل اكىمدەر ءۇشىن دە وتە ىڭعايلى. ولار ءوز كەستەلەرىنە ساي جۇمىس ىستەۋگە مۇمكىندىك الادى، ارىپتەستەرىمىزگە دە ىڭعايلى. وسىعان وراي ولار وزدەرىنىڭ كەستەلەرىن تۇزە الادى. بارلىعى ەرەجەنى بىلەدى - 1 ساعاتتان اسپاۋى ءتيىس، 45 مينۋت بولۋ. ال ەگەر ارتىق اڭگىمەسىز جىلدامىراق اياقتاۋعا مۇمكىندىك بولسا، وندا ءتىپتى جاقسى. سول سەبەپتى ءبىزدىڭ جۇمىس فورماتىمىز وسىنداي»، - دەدى اسقار مامين.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى