انگەلينا لۋكاس قازاقستان قۇراماسىنداعى جانجالدان كەيىن كاسىپقوي بوكسقا اۋىستى
ول 51 كەلىگە دەيىنگى سالماقتا ءتورت راۋندتىق جەكپە-جەك وتكىزەدى. جاقىن ارادا انگەلينانىڭ قارسىلاسى بەلگىلى بولادى.
لۋكاسقا Instagram جەلىسىندە 555 مىڭعا جۋىق ادام تىركەلگەن جانە ول قازاقستاندىق ايەلدەر اراسىنداعى ەڭ تانىمال بوكسشى.
جاقىندا لۋكاس جانجالعا ارالاسىپ، ۇلتتىق قۇراماداعى جاعدايدىڭ ناشار ەكەنىن ايتىپ، كوماندالاس نازىم قىزايبايدى دوپينگ قولداندى دەپ ايىپتاپ، قازاقستان پرەزيدەنتىنە جۇگىنگەن بولاتىن. سونداي- اق، ونىڭ ايتۋىنشا، باقتيار ارتايەۆ ونى ۇلتتىق قۇرامادان زاڭسىز شىعارعان. قىزايباي دا ءوز ويىن ءبىلدىردى.
ەسكە سالايىق، بۇل بوكس كەشىنىڭ باستى جەكپە-جەگىندە دانيار ەلەۋسىنوۆ IBO تۇجىرىمى بويىنشا جارتىلاي ورتا سالماقتاعى چەمپيوندىق بەلبەۋ ءۇشىن جۇدىرىقتاسادى. قازاقستاندىق اۋىر سالماقتاعى بوكسشى يۆان دىچكو دا كەزەكتى جەكپە- جەگىن وتىزەدى. سونداي-اق، وسى بوكس كەشى اياسىندا 20 جىلدان بەرى العاش رەت 55,3 كەلى سالماقتا قازاقستان چەمپيونىنىڭ بەلبەۋى ەرجان زاليلوۆ پەن ەسكەندىر حارسان اراسىندا ساراپقا سالىنادى.
داۋرەن ەلەۋسىنوۆ ءازىربايجان بوكسشىسى الي مامەدوۆپەن كەزدەسەدى. قازاقستاندىق الدىنا الەم چەمپيونى بولۋ مىندەتىن قويىپ وتىرعانىن ايتتى. ال بوكس كەشىنىڭ تاعى ءبىر قاتىسۋشىسى جانقوش تۇراروۆ، بۇل ونىڭ كاسىپقوي رينگتەگى 25-جەكپە-جەگى بولماق. بوكس كەشىنىڭ بيلەتتەرى جاقىن ارادا ينتەرنەتتە ساتىلادى.
