دارىگەرلەر قان قىسىمىن بىردەن تومەندەتەتىن سۋسىندى اتادى
بۇل تۋرالى The American Journal of Clinical Nutrition باسىلىمىندا جاريالانعان زەرتتەۋدە ايتىلعان.
زەرتتەۋگە قاتىسۋ ءۇشىن سيستولالىق قان قىسىمى جوعارى ەرلەر مەن ايەلدەر تاڭدالدى. رەسپوندەنتتەرگە كۇندەلىكتى ءۇش كەسە قارا شاي نەمەسە سوعان سايكەس كوفەين مولشەرى بار فلاۆونويدتارى جوق سۋسىن بەرىلدى.
قان قىسىمىنىڭ كورسەتكىشتەرىنىڭ وزگەرۋى ءبىرىنشى كۇنى قابىلداۋ كەزىندە، سونداي- اق ءۇش جانە التى ايدا تەكسەرىلىپ وتىردى.
بارلىق ۋاقىت ارالىقتارىندا شاي باسقا سۋسىنمەن سالىستىرعاندا جوعارى جانە تومەنگى قان قىسىمىن قالپىنا كەلتىرگەن. تۇندە وزگەرىس 10 پايىزدى قۇرادى.
ءبىرىنشى كۇننەن باستاپ بايقالعان جانە التى اي بويى تۇراقتى تۇردە ساقتالعان بۇل ناتيجە باستاپقى قان قىسىمىنا نەمەسە جۇرەك سوعۋ جيىلىگىنە بايلانىستى ەمەس.
«كۇندىزگى ۋاقىتتا قان قىسىمىنىڭ وزگەرۋى ايتارلىقتاي بولعان جوق. بۇل تۇجىرىمدار تۇندە قان قىسىمىنا كوفەين ەمەس، قارا شايدىڭ قۇرامداس بولىگى اسەر ەتەتىنىن كورسەتەدى»، - دەپ اتاپ ءوتتى عالىمدار.
«قارا شايدى ۇنەمى تۇتىنۋ قان قىسىمىن تومەندەتەدى، دەگەنمەن بۇل سۋسىننىڭ وعان اسەرى ءالى زەرتتەلمەگەن»، - دەپ قورىتىندىلادى زەرتتەۋ اۆتورلارى.
ايتا كەتەيىك، مەديتسينا عىلىمدارىنىڭ كانديداتى، ديەتولوگ، گاستروەنتەرولوگ مارگاريتا ارزۋمانيان دا تىم ىستىق شاي دەنساۋلىققا زياندى ەكەنىن ايتقان بولاتىن.
دارىگەردىڭ ايتۋىنشا، دالادا كۇن سۋىق كەزدە ىستىق شاي ىشسەك جىلىناتىنداي بولامىز. ءبىراق، بۇل - يلليۋزيا. ەگەر سۋسىننىڭ تەمپەراتۋراسى تىم جوعارى بولسا، ادام دەنساۋلىعىنا قاۋىپ توندىرەدى.
«ىستىق سۋسىن قاتەرلى ىسىكتىڭ دامۋىنا اكەلۋى مۇمكىن، وڭەش پەن كومەي زاقىمدالۋى مۇمكىن دەگەن زەرتتەۋلەر بار. سوندىقتان قايناعان شايدى ءسال سالقىنداتىپ ىشكەن دۇرىس. ەڭ دۇرىسى شايدى دەنە تەمپەراتۋراسىمەن بىردەي نەمەسە ءسال ىستىق - 40 گرادۋستان اسىرماي ىشكەن ءجون»، - دەپ ەسكەرتتى مارگاريتا ارزۋمانيان.
ونىڭ ايتۋىنشا، شاي قايناتقاننان كەيىن شامامەن بەس مينۋت كۇتۋ كەرەك، سودان كەيىن عانا ىشۋگە بولادى.
شايدىڭ جىلىنۋ اسەرىنە كەلەتىن بولساق، بۇل فيزيكالىق ەمەس، پسيحولوگيالىق، دەپ سانايدى دارىگەر.
«شاي ىشكەندە: اۋىز تەمپەراتۋرانى سەزەدى، بىزگە جىلىنعانداي بولىپ كورىنەدى، ءبىز اسقازانداعى تەمپەراتۋرانى سەزبەيمىز. بۇل پسيحولوگيالىق اسەر»، - دەدى گاستروەنتەرولوگ.
شايدى پايدالى ەتۋ ءۇشىن دارىگەر وعان كەپتىرىلگەن جەمىستەر، دامدەۋىشتەر مەن شوپتەردى قوسۋعا كەڭەس بەردى. مىسالى، تيميان، ورەگانو، كەپتىرىلگەن الما، اپەلسين قابىعى نەمەسە دارشىن.
اقپارات دەرەككوزى: massaget.kz
