قىتايدا رەسەيدەن يمپورتتالعان تاۋارلاردان كوروناۆيرۋس تابىلدى

بۇل تۋرالى جەكسەنبى كۇنى قالانىڭ اۋرۋدى باقىلاۋ جانە الدىن الۋ ورتالىعى ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.

WeChat الەۋمەتتىك جەلىسىندەگى ورتالىقتىڭ رەسمي اككاۋنتىندا جاريالانعان مالىمدەمەگە سايكەس، سەنبىدە حەيحە بيلىگى رەسەي فەدەراتسياسىنان يمپورتتالعان تاۋارلار ساقتالاتىن قالالىق قويمادا تەكسەرۋ جۇرگىزگەن.

قۇجاتتا كورسەتىلگەندەي، كوروناۆيرۋس رەسەيلىك ءونىمنىڭ ءتورت ءتۇرىنىڭ سىرتقى قاپتاماسىنان انىقتالعان. ولار: KONTI برەندىنىڭ شوكولادتى ۆافليى (شىعارىلعان كۇنى 4-تامىز)، KONTI پەچەنەسى (4-تامىز)، KONTI قاۋىن دامىمەن جەلە كامپيتتەرى (17-تامىز)، سونداي-اق قۇرعاق ءسۇت (2020 -جىلعى 8-قازان).

ۆيرۋس انىقتالعان قاپتامالاردىڭ ناقتى سانى تۋرالى حابارلانباعان. حەيحە بيلىگى اتالعان ءوندىرىس كۇنى اتالعان ءوندىرىستىڭ كورسەتىلگەن كۇنى شىعارىلعان ءونىمىن العان ازاماتتاردى تاۋارلاردى دەرەۋ دەزينفەكسيالاۋعا، سونداي- اق بۇل تۋرالى اۋرۋلاردى باقىلاۋ جانە الدىن الۋ ورتالىعىنا حابارلاۋعا شاقىردى.

سونىمەن قاتار، اتالعان تاۋارلاردى وتكىزۋ ورىندارىندا جۇرگىزىلگەن تەكسەرىس كەزىندە كوروناۆيرۋسقا تەست تەرىس ناتيجە كورسەتتى. رەسەيدىڭ قىتايداعى ساۋدا وكىلدىگى بەيسەنبىدە حابارلاعانداي، رەسەي فەدەراتسياسىمەن شەكارالاس كەيبىر قىتاي قالالارىنىڭ بيلىگى كوروناۆيرۋسقا بايلانىستى ونىمدەر يمپورتىنا جاڭا شەكتەۋلەر ەنگىزدى.

ماسەلەن، 10-قاراشادا حيلۋڭجياڭ پروۆينسياسىنداعى سۋيفەنحە شەكارالاس قالاسىنىڭ بيلىگى «سۋيفەنحە- پوگرانيچنىي» تەمىرجول وتكىزۋ بەكەتىنىڭ اكىمشىلىگىنەن كەيبىر يمپورتتىق ازىق- تۇلىك ونىمدەرىن اكەلۋگە ۋاقىتشا شەكتەۋلەر ەنگىزۋدى تالاپ ەتتى. 9-قاراشادان باستاپ «زابايكالسك- مانجۋريا» شەكارا وتكەلى ورنالاسقان حۋلۋن-بۋير قالالىق وكرۋگى (ىشكى موڭعوليا اۆتونوميالىق اۋدانى، قىتايدىڭ سولتۇستىگى) دا بارلىق باقىلاۋ- وتكىزۋ پۋنكتتەرى ارقىلى سالقىنداتىلعان ازىق-تۇلىك پەن باسقا دا تاسىمالداناتىن ونىمدەردى يمپورتتاۋدى توقتاتتى.

اۆتور: اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى