تولەپبەرگەن بايساقالوۆ دۇنيەجۇزىلىك ازيا كينوفەستيۆالىندە ۇزدىك اكتەر اتاندى

بۇل تۋرالى كارتينانىڭ پروديۋسەرى ديانا ءاشىموۆا Instagram داعى پاراقشاسىندا جازدى. دۇنيەجۇزىلىك ازيا كينوفەستيۆالى (AWFF) جەتىنشى رەت جىل سايىن وتكىزىلىپ كەلەدى. وندا ازيالىق رەجيسسەرلەردىڭ جۇمىسىن كورسەتىلەدى.

بۇل فەستيۆال گولليۆۋدتىق جانە ازيالىق ويىن- ساۋىق يندۋسترياسى اراسىنداعى بايلانىستى نىعايتادى. بيىل بايقاۋعا 20 دان استام ەلدە تۇسىرىلگەن 30 فيلم قاتىستى.

ەسكە سالا كەتەيىك، «وت» فيلمى بۇگىنگى قوعامدا ءومىر ءسۇرىپ جۇرگەن قاراپايىم ادامنىڭ وقيعاسىن باياندايدى. توليك (تولەپبەرگەن بايساقالوۆ) - ۇلكەن مەگاپوليستە ءومىر سۇرۋگە جانە وتباسىن اسىراۋعا تىرىساتىن ۇلكەن وتباسىنىڭ باسشىسى. ول كۋرەر بولىپ جۇمىس ىستەيدى، ازعانتاي جالاقىعا وتباسىن اسىراي الماعاندىقتان، ول دا كوپتەگەن ادامدار سياقتى نەسيە الىپ، قارىزعا باتىپ ءومىر سۇرۋگە ءماجبۇر بولادى. ءبىراق سونىمەن بىرگە ول قىزىنا ۇلكەن ءۇمىت ارتادى. كۇندەردىڭ كۇنىندە جۇمىستان ۇيگە ورالعاندا، قىزى ساۋلەنىڭ جۇكتى ەكەنى تۋرالى كۇتپەگەن جەردەن حاباردار بولادى. بۇل جاڭالىق قىزىنىڭ بولاشاعىنا ارنالعان جوسپارلاردىڭ كۇل- تالقانىن شىعارادى. جاعدايدى شەشۋگە تىرىسقان توليك ءبىرقاتار قيىندىق پەن وقيعاعا تاپ بولادى. «وت» فيلمىنىڭ الەمدىك پرەمەراسى پۋسانداعى (وڭتۇستىك كورەيا) حالىقارالىق كينوفەستيۆالدە ءوتتى. وتكەن اپتادا اكتەر تولەپبەرگەن بايساقالوۆ سوچي كينوفەستيۆالىندە «ۇزدىك ەر ادام ءرولى ءۇشىن» ماراپاتقا يە بولدى.

فيلمدى ق ر مادەنيەت جانە سپورت مينيسترلىگىنىڭ تاپسىرىسى بويىنشا ۇلتتىق كينونى قولداۋ مەملەكەتتىك ورتالىعى كومەگىمەن A- Team Production كومپانياسى تۇسىرگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى