قازاقستاندىق سپورتشى قويان- قولتىق ۇرىستان الەم كۋبوگىندا چەمپيون بولدى

اتالعان جارىسقا الەمنىڭ 30 ەلىنەن 300 دەن استام سپورتشى قاتىستى. جارىس باعدارلاماسىنا «جەكپە- جەك» جانە ء«وزىن- ءوزى قورعاۋ» ديستسيپلينالارى كىردى. اقتىق جارىستار وسى سەنبىدە ءوتتى، دەپ حابارلايدى قازاقپارات ق ر ۇلتتىق ۇلان گۆاردياسىنىڭ باسپا ءسوز قىزمەتىنە سىلتەمە جاساپ. اتالعان جارىسقا سونداي- اق قازاقستان رەسپۋبليكاسىنىڭ سپورتشىلارى قاتىستى. قازاقستاننىڭ قويان- قولتىق ۇرىستان ۇلتتىق قۇراماسىنىڭ قۇرامىندا ۇلتتىق گۆارديا اسكەري ينستيتۋتىنىڭ 4-كۋرس كۋرسانتى اراپباي ساۋران قاتىستى.

اسكەري ينستيتۋت كۋرسانتى ءادىل جانە تاباندى جارىستا سپورتتىق شەبەرلىكتىڭ جوعارعى دەڭگەيىن كورسەتىپ، ءۇندىستان، يران، رەسەي جانە وزبەكستان سپورتشىلارىن جەڭىپ شىقتى.

جارىس قورىتىندىلارى بويىنشا 65 كەلىگە دەيىنگى سالماق دارەجەسىندە اسكەري ينستيتۋت كۋرسانتى اراپباي ساۋران حالىقارالىق كلاستاعى سپورت شەبەرىنىڭ نورماتيۆىن ورىنداپ، قول جۇمسايتىن جەكپە- جەكتەن الەم كۋبوگىنىڭ چەمپيونى اتاندى.

قول جۇمسايتىن جەكپە- جەك بويىنشا الەم كۋبوگى رەسەي ەلىندە العاش رەت وتكىزىلدى. ۇيىمنىڭ ماقساتى - جاۋىنگەرلىك ونەردىڭ بۇل ءتۇرىن ايگىلەندىرۋ، سونداي- اق ديستسيپلينانى وليمپيادا باعدارلاماسىنا قوسۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى