رەسەيدەن اكەلىنگەن كولىكتەردى كىمدەر مەملەكەتتىك تىركەۋسىز تىزگىندەي الادى

«ەۋرازيالىق ەكونوميكالىق كودەكستىڭ 264-بابىنىڭ 1-تارماعى بويىنشا، شەتەلدەن جەكە پايدالانۋ ءۇشىن اكەلنگەن كولىك قۇرالدارىن ەۋرازيالىق ەكونوميكالىق وداق اۋماعىندا ءبىر جىل كولەمىندە عانا جۇرۋگە رۇقسات بەرىلگەن. مىسالى، شەتەل ازاماتتارى ءبىزدىڭ ەلگە ءوز كولىگىمەن جۇمىس بابى بويىنشا نەمەسە باسقا سەبەپتەرمەن كەلسە، وسى باپقا سۇيەنىپ، قازاقستان اۋماعىندا ءبىر جىل جۇرە الادى. وسى باپتىڭ 6-تارماعى بوينىشا شەتەل ازاماتتارى بۇل كولىكپەن وزدەرى عانا جۇرە الادى. ياعني، دەكلارانتتىڭ وزىنە عانا جۇرۋگە رۇقسات بەرىلگەن. قازاقستان ازاماتتارىنا سەنىمحاتپەن نەمەسە باسقا جولمەن بەرۋگە بولمايدى»، - دەدى ول بەينەكونفەرەنسيا فورماتىندا وتكەن ونلاين بريفينگىدە.

كوميتەت ساراپشىسىنىڭ ءتۇسىندىرۋى بويىنشا، قازاقستاندىقتار مۇنداي كولىكتەردى پايدالانۋ ءۇشىن بۇكىل كەدەندىك الىم-سالىقتاردى تولەپ، مەملەكەتتىك تىركەۋگە قويعاننان كەيىن عانا تىزگىندەي الادى.

«مۇنداي كولىك قۇرالدارىن قازاقستان ازاماتتارى ساتىپ العان جاعدايدا كولىككە قاتىستى كەدەندىك باجدار مەن سالىقتاردىڭ ءبارىن تولەپ، ءتيىستى دەكلاراتسياسىن تاپسىرىپ قانا مەملەكەتتىك تىركەۋگە قويا الادى»، - دەدى نۇرلان نامىسوۆ.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى