كامالجان نادىروۆ جاڭا قىزمەتكە تاعايىندالدى

نادىروۆ كامالجان تالعات ۇلى 1983 -جىلى 27-اقپاندا دۇنيەگە كەلگەن. ەكى جوعارى ءبىلىمى بار - مەديتسينالىق جانە ەكونوميكالىق. س. د. اسفەندياروۆ اتىنداعى قازاق مەملەكەتتىك مەديتسينا ۋنيۆەرسيتەتىن ، تۇران ۋنيۆەرسيتەتىن، قوعامدىق دەنساۋلىق ساقتاۋ جوعارى مەكتەبىن بىتىرگەن. «Duke University, «The Fuqua School of Business» (ا ق ش)، Parkway College» (سينگاپۋر)، «Florence Nightingale» (تۇركيا) كلينيكالار توبىندا، «Oxford» Social Health Insurance system» (گەرمانيا) ءبىلىم الدى.

«قوعامدىق دەنساۋلىق ساقتاۋ» (مۆا) ماماندىعى بويىنشا ىسكەرلىك اكىمشىلەندىرۋ ماگيسترى جانە «بيزنەس اكىمشىلەندىرۋ» (EMBA) ماماندىعى بويىنشا ىسكەرلىك اكىمشىلەندىرۋ ماگيسترى.

2007 -جىلدان 2014 -جىلعا دەيىن ب. و. جاربوسىنوۆ اتىنداعى ۋرولوگيا عىلىمي ورتالىعىندا كلينيكالىق ورديناتور، ءبولىم مەڭگەرۋشىسى، باس ديرەكتوردىڭ ورىنباسارى بولىپ جۇمىس ىستەدى.

2016 -جىلدان 2017 -جىلعا دەيىن رەسپۋبليكالىق دياگنوستيكالىق ورتالىقتى باسقاردى - «University Medical Center» فيليالىنىڭ ديرەكتورى بولدى. 2017-2018 -جىلدارى استانا قالاسىنىڭ دەنساۋلىق ساقتاۋ باسقارماسىن، 2019 -جىلدىڭ ناۋرىز ايىنا دەيىن استانا قالاسىنىڭ قوعامدىق دەنساۋلىق ساقتاۋ باسقارماسىن باسقاردى. 2019 -جىلدان 2020 -جىلعا دەيىن ق ر دەنساۋلىق ساقتاۋ ۆيتسە- ءمينيسترى قىزمەتىن اتقاردى. 2020 -جىلعى ماۋسىم- قازان ارالىعىندا الماتى قوعامدىق دەنساۋلىق باسقارماسىنىڭ باسشىسى بولدى.

مەملەكەتتىك ناگرادالارى: «ەرەن ەڭبەگى ءۇشىن» مەدالى، «دەنساۋلىق ساقتاۋ ىسىنە قوسقان ۇلەسى ءۇشىن» مەدالى، «دەنساۋلىق ساقتاۋ ۇزدىگى» مەدالى، «قازاقستان حالقىنىڭ بىرلىگى» مەدالى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى