جاياۋ بۇرقاسىن، تۇمان، كوكتايعاق: جۇما كۇنگى اۋا رايى بولجامى
ەلىمىزدىڭ باسىم بولىگىندە جەل كۇشەيەدى، وڭتۇستىكتە شاڭدى داۋىل تۇرادى، سولتۇستىكتە جاياۋ بۇرقاسىن ءجۇرىپ، كوكتايعاق بولادى. سونداي- اق باتىس، سولتۇستىك جانە وڭتۇستىك- شىعىستاعى تاۋلى اۋدانداردا تۇمان بولجانادى. قازاقپارات بۇل تۋرالى «قازگيدرومەتكە» سىلتەمە جاساپ حابارلايدى.
اتاپ ايتقاندا، اقمولا وبلىسىنىڭ سولتۇستىگىندە، باتىسىندا، شىعىسىندا، قوستاناي وبلىسىنىڭ سولتۇستىك- شىعىسىندا، شىعىسىندا كوكتايعاق، جاياۋ بۇرقاسىن، تۇمان كۇتىلەدى، جەل 15-20 م/س دەيىن كۇشەيەدى. شىعىس قازاقستان وبلىسىنىڭ باتىسىندا، جامبىل وبلىسىنىڭ سولتۇستىك- باتىسىندا، شىعىسىندا، الاكول كولدەرىنىڭ اۋدانىندا، تاڭەرتەڭ جانە كۇندىز تۇركىستان وبلىسىنىڭ سولتۇستىگىندە جانە تاۋلى اۋداندارىندا، كۇندىز قاراعاندى وبلىسىنىڭ سولتۇستىگىندە جەل 15-22 م/س كۇشەيەدى.
تۇركىستان وبلىسىنىڭ سولتۇستىگىندە جانە تاۋلى اۋداندارىندا شاڭدى داۋىل تۇرادى. جامبىل وبلىسىنىڭ شىعىسىندا، تاۋلى اۋداندارىندا تۇمان كۇتىلەدى. باتىس قازاقستان وبلىسىنىڭ وڭتۇستىگىندە، اتىراۋ وبلىسىنىڭ سولتۇستىگىندە، تۇندە جانە تاڭەرتەڭ ماڭعىستاۋ وبلىسىنىڭ سولتۇستىك- شىعىسىندا تۇمان بولجانادى. باتىس قازاقستان وبلىسىنىڭ سولتۇستىگىندە، سولتۇستىك- باتىسىندا جەل 15-20 م/س جەل ارتادى.
اتىراۋ وبلىسىنىڭ سولتۇستىگىندە كوكتايعاق بولادى. كۇندىز اقتوبە وبلىسىنىڭ سولتۇستىگىندە كوكتايعاق كۇتىلەدى. سولتۇستىك قازاقستان وبلىسىنىڭ وڭتۇستىك- باتىسىندا تۇندە جانە تاڭەرتەڭ تۇمان كۇتىلەدى، كۇندىز جەل 15-20 م/س دەيىن كۇشەيەدى. پاۆلودار وبلىسىنىڭ سولتۇستىگىندە تۇمان، كوكتايعاق، كۇندىز وبلىستىڭ وڭتۇستىگىندە 15-20 م/س كۇشەيەدى.
