قازان ايىندا كومىر، گاز جانە ديزەل ەرەكشە قىمباتتاعان

«ازىق-تۇلىككە جاتپايتىن تاۋارلاردىڭ ايلىق ينفلياتسياعا قوسقان ۇلەسى قازان ايىندا 0,25 پايىز بولدى. وعان سەبەپ بولعان نەگىزگى فاكتورلاردىڭ ءبىرى - ديزەل جانارمايىنىڭ قىمباتتاۋى. قازان ايىندا ديزەل باعاسى 16,6 پايىز قىمباتتادى. اسىرەسە، اقمولا (25,9 پايىز) جانە پاۆلودار (24,9 پايىز) وبلىستارىندا باعا قاتتى ءوستى. ەڭ تومەن ءوسىم بولدى دەگەن قىزىلوردا وبلىسىنىڭ وزىندە ديزەل قۇنى 11,6 پايىز قىمباتتادى. جالپى جانارماي باعاسى ەل بويىنشا 0,9 پايىز ءوستى»، - دەپ جازىلعان ۇلتتىق بانك ساراپتاماسىندا.

ۇلتتىق بانك سايتىنداعى مالىمەت بويىنشا، قازان ايىندا اقىلى قىزمەتتەردىڭ باعاسى دا ينفلياتسيانى ۇدەتكەن.

«ءبىر ايداعى باعانىڭ ءوسۋ دەڭگەيى 0,5 پايىز بولدى. وڭىرلەردىڭ كوبىندە سۇيىتىلعان گاز قىمباتتادى. بۇل تاۋاردىڭ باعاسى رەسپۋبليكا بويىنشا 6,4 پايىز قىمباتتادى. اسىرەسە الماتى (15,6 پايىز)، شىعىس قازاقستان (14,7 پايىز) جانە اقمولا (14,0 پايىز) وبلىستارىنا قىمباتشىلىق قارقىنى جوعارى.

نۇر-سۇلتان قالاسى مەن قاراعاندى وبلىسىندا ەلەكتر ەنەرگياسىنا تاريف كوتەرىلدى (8,5 پايىز جانە 5,3 پايىز). ال كومىر رەسپۋبليكا بويىنشا 2,1 پايىز قىمباتتادى. اسىرەسە قاراعاندى وبلىسىندا باعا قاتتى ارتتى (9,5 پايىز). ال پاۆلودار جانە قوستاناي وبلىستارىندا ورتالىقتاندىرىلعان جىلۋ تاريفى 6,3 پايىز جانە 3,1 پايىز تومەندەدى»، - دەپ جازادى ۇلتتىق بانكتىڭ باسپا ءسوز قىزمەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى