باسكەتبولدان قازاقستاننىڭ قىزدار قۇراماسى ازيا كۋبوگىنىڭ جارتىلاي فينالىنا شىقتى

7-13- قاراشا ارالىعىندا امماندا «Prince Hamza Arena» ستاديونىندا ايەلدەر كوماندالارى اراسىندا باسكەتبولدان ازيا كۋبوگىنىڭ ءبىرىنشى ديۆيزيونىنا جولداما بەرەتىن ويىن ءوتىپ جاتىر، وعان قازاقستاننىڭ ۇلتتىق قۇراماسى قاتىسادى.

جەرەبە بويىنشا، قازاقستان قۇراماسى «ب» توبىنا ءتۇسىپ، وندا ءبىزدىڭ كوماندا يندونەزيا مەن تۋرنير يەسى - يوردانيا قۇراماسىنان ۇتىلدى.

«ا» توبىندا ليۆان، يران جانە سيريا كوماندالارى اراسىندا تارتىس باستالدى. سيريا قۇراماسىن جەڭگەننەن كەيىن قازاقستان قۇراماسى ازيا كۋبوگىنىڭ «ب» ديۆيزيونىنىڭ جارتىلاي فينالىنا شىقتى.

ەندى ءبىرىنشى ديۆيزيونعا جولداما ءۇشىن تارتىستى جالعاستىرادى.

12- قاراشادا جارتىلاي فينال ويىندارى وتەدى، ءبىزدىڭ باسكەتبولشىلار يوردانيا قۇراماسىمەن قايتا وينايدى، ماتچ ەلوردا ۋاقىتىمەن 23:00 دە باستالادى.

ايەلدەر اراسىنداعى باسكەتبولدان ازيا كۋبوگى - 1965-جىلدان باستاپ ەكى جىلدا ءبىر رەت ف ي ب ا ازيا قولداۋىمەن وتكىزىلەتىن ازياداعى ايەلدەر ۇلتتىق قۇرامالارى اراسىنداعى باسكەتبولدان ەڭ بەدەلدى حالىقارالىق تۋرنير.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى