ەۋروپارلامەنت بەلارۋس-پولشا شەكاراسىنداعى جاعدايدى تالقىلادى
شارا بارىسىندا ەۋروپارلامەنت دەپۋتاتتارى گۋمانيتارلىق ۇيىمدارعا پولياك-بەلارۋس شەكاراسىندا قامالىپ قالعان ميگرانتتارعا كومەك كورسەتۋ قاجەتتىگىنە نازار اۋداردى.
كەيبىر پارلامەنتاريلەر ەۋرووداق بيۋجەتىن وداقتىڭ سىرتقى شەكارالارىندا ميگرانتتاردىڭ تۇراقسىز وتۋىنە جول بەرمەيتىن قورعانىس قۇرىلىستارى ءۇشىن قولدانۋعا ۇندەدى. بۇدان باسقا، ەۋروپالىق وداق باسشىسى شارل ميشەل پولشاعا بارىپ، وندا ەلدىڭ پرەمەر-ءمينيسترى ماتەۋش موراۆەتسكيمەن كەلىسسوزدەر جۇرگىزگەن.
ە و جوعارى ساياسي ورگانىنىڭ باسشىسى ەۋروينستيتۋتتار مەن مۇشە ەلدەردىڭ «الداعى كۇندەرى» اعىمداعى جاعدايعا «ايتارلىقتاي جانە ناقتى» اسەر ەتۋ ءۇشىن قانداي ارەكەتتەر قولدانا الاتىنىن قاراستىراتىنىن ۋادە ەتتى.
بەلارۋس پرەزيدەنتى شەكاراداعى بوسقىندار، اسىرەسە جۇكتى ايەلدەر مەن بالالارعا كومەك كورسەتۋ ماسەلەسىنە نازار اۋدارۋدى تاپسىردى. مەملەكەت باسشىسى سونداي-اق ولارعا قۇرعاق وتىن جەتكىزۋدى تاپسىرعان.
