ەلوردادا تاكسي قىزمەتى رەفورمالانادى
دەپ حابارلايدى قازاقپارات ءتىلشىسى. جيىندا قالالىق ءماسليحات حاتشىسى ەرلان كاناليموۆ قالالىق تاكسي قىزمەتىن ودان ءارى دامىتۋ تۋرالى سۇراق قويدى.
«كەلەسى جىلى بىزدە «سەرگەك» جانە كولىك قىزمەتىن كورسەتۋ جوباسى اياقتالادى. جوبالار ءوزىن- ءوزى اقتاپ، باعىتى دۇرىس ەكەنىن كوردىك. ەندىگى تاعدىرى نە بولادى؟ مەملەكەت- جەكەمەنشىك ارىپتەستىگى اياسىندا جاسالعان كەلىسىمشارتتار اياقتالادى. سوندا نىسانداردى كىم تەڭگەرىمگە الادى؟ ولارعا كىم قىزمەت كورسەتەدى؟»، - دەپ سۇرادى ول.
ءتيىستى باسقارما وكىلدەرى تاكسي قىزمەتىمەن بايلانىستى ءبىرقاتار پروبلەمالار بار ەكەنىن اتادى.
«ءبىرىنشى كەزەكتە، تاكسيدىڭ سىلبىرلىعىن سىناۋشىلار كوپ. ەكىنشى كەزەكتە سەرۆيستى دامىتۋ، ءۇشىنشى كەزەكتە اۆتوپاركتى جاڭارتۋ قاجەت. ءبىز وسى كاسىپ وكىلدەرىمەن سويلەستىك. ءوزارا تۇسىنىستىك بار جانە بيىل ءبىز تاريفتەردى قايتا بەكىتتىك. كەلەسى جىلى سارالانعان تاريفتى ەنگىزگىمىز كەلەدى. سوندا ولار بەلگىلى ءبىر شىعىندارىن جابا الاتىن بولادى. قازىر كولىك باسقارماسىمەن بىرگە رەفورمالاۋ جانە برەند ەنگىزۋ ماسەلەلەرى پىسىقتالىپ جاتىر»، - دەدى اكىمدىك وكىلدەرى.
اۆتور: ەسىمجان ناقتىباي
