قازاقستاندا اۋا رايى ەسكەرتۋىن ەلەمەي جولعا شىققاندار جاۋاپقا تارتىلۋى مۇمكىن
الماتىدا بۇزاقىلار ءجۇرىپ بارا جاتقان اۆتوبۋستىڭ توبەسىندە وتشاشۋ اتقان
الماتى. قازاقپارات - الماتىدا بەيمالىم جاس جىگىتتەر ءجۇرىپ بارا جاتقان جولاۋشىلار اۆتوبۋسىنىڭ توبەسىندە وتشاشۋ اتقان، دەپ حابارلايدى قازاقپارات ءتىلشىسى.
بەينەجازبا الەۋمەتتىك جەلىدە قىزۋ تالقىلانىپ جاتىر. ۆيدەودان بىرەۋلەردىڭ اۆتوبۋستىڭ توبەسىندە وتشاشۋدى تۇتاندىرىپ، ارتىنشا سەكىرىپ ءتۇسىپ، قاشقانىن كورۋگە بولادى. قالالىق پوليتسيا دەپارتامەنتى ولاردى ىزدەستىرىپ جاتقانىن حابارلادى.
«پوليتسيا دەپارتامەنتىنىڭ ءتيىستى بولىمشەلەرى بۇزاقىلاردىڭ كىم ەكەنىن انىقتاپ جاتىر. بۇزاقىلاردى ۇستاۋ جانە ولاردى جاۋاپقا تارتۋ بويىنشا ىزدەستىرۋ جۇمىستارى ءجۇرىپ جاتىر»، - دەپ حابارلادى پوليتسيادان.
