قايىربەك وسكەنبايەۆ: قالا تۇرعىندارى ءۇشىن تاۋلىكتىك سۋ تۇتىنۋ نورماسى ازىرلەنۋدە

بۇل تۋرالى ق ر يندۋستريا جانە ينفراقۇرىلىمدىق دامۋ ءبىرىنشى ۆيتسە- ءمينيسترى قايىربەك وسكەنبايەۆ ايتتى، دەپ حابارلايدى قازاقپارات ءتىلشىسى.

«بيىل العاش رەت ىلكى جوبا رەتىندە اۋىز سۋدى ەسەپكە الۋ اسپابى بولعان كەزدە ءبىر ادامعا تاۋلىگىنە 140 ليترگە دەيىن عانا سۋدى سۋبسيديالاۋ بويىنشا نورماتيۆتىك شەكتەۋ بەلگىلەدىك. اۋىلدىق جەردەگى ءاربىر تۇرعىنعا سۋدى سۋبسيديالايمىز. اۋىل تۇرعىندارىنا سۋدىڭ تەكشە مەترى سۋدى ەسەپكە الۋ اسپابى بولعاندا، 30 تەڭگەنى، ال اسپاپسىز 40 تەڭگەنى قۇرايدى. كەيدە بىزدە سۋدىڭ ناقتى قۇنى 3 مىڭ تەڭگەگە دە جەتىپ جاتادى»، - دەدى ول ماجىلىستەگى دوڭگەلەك ۇستەل بارىسىندا.

ونىڭ اتاپ وتۋىنشە، اۋىلدىڭ ءار تۇرعىنىنا تاۋلىگىنە 140 ليتر سۋ جەتكىلىكتى. ەگەر تۇرعىننىڭ ءبىر تاۋلىكتەگى تۇتىنعان سۋ نورمادان اسىپ كەتسە، وندا ول سۋدىڭ ارتىق كولەمىنە كوممەرتسيالىق باعامەن اقى تولەيدى.

«قازىرگى ۋاقىتتا ءدال وسىنداي نورماتيۆتىك شەكتەۋدى قالا تۇرعىندارى ۇشىندە ازىرلەپ جاتىرمىز. ءبىز ادامدارعا سۋدى ۇنەمدەۋدى، باعالاۋدى ۇيرەتۋىمىز كەرەك. اتالعان نورما اسىپكەتكەن جاعدايدا تۇرعىندار سۋمەن جابدىقتاۋ قىزمەتىنە تولىق تاريف تولەيتىن بولادى»، - دەدى قايىربەك وسكەنبايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى