اۋىز سۋ ساپاسى نەگە تومەن

«دەنساۋلىق ساقتاۋ مينيسترلىگىنىڭ اقپاراتىنا سايكەس، وسى جىلدىڭ ءبىرىنشى جارتىجىلدىعىندا رەسپۋبليكادا سۋ قۇبىرى سۋىنان الىنعان 12451 سىناماعا سانيتارلىق- حيميالىق كورسەتكىشتەرى بويىنشا زەرتتەۋ جۇرگىزىلدى. ونىڭ ىشىندە 634 سىناما نەمەسە 5,1 پايىزى نورماتيۆتىك تالاپتارعا ساي كەلمەيدى. قۇبىر ارقىلى بەرىلەتىن سۋ ساپاسىنىڭ تومەن بولۋ سەبەپتەرىنىڭ ءبىرى مامانداندىرىلعان پايدالانۋى ۇيىمنىڭ جوقتىعىنان سۋ قۇبىرلارى جۇيەسىنىڭ توزۋى بولىپ وتىر. ۇلتتىق ستاتيستيكا بيۋروسىنىڭ دەرەگىنشە، اۋىلدىق ەلدى مەكەندەردەگى سۋ قۇبىرى جەلىسىنىڭ جالپى ۇسىندىعى 40,7 شاقىرىمدى قۇرايدى. ونىڭ ىشىندە 6,2 شاقىرىمى اۋىستىرۋدى تالاپ ەتەدى»، - دەدى ول ماجىلىستەگى دوڭگەلەك ۇستەل بارىسىندا.

ونىڭ ايتۋىنشا، ەلىمىزدە قولدانىستاعى سۋ قۇبىرلارىنىڭ جەلىسى وسىدان 25-40 جىل بۇرىن قۇرىشتان جانە شويىن قۇبىرلاردان جاسالعان. ال ولار توتتانۋعا بەيىم، ءارى تەز توزىپ، اۋىز سۋ ساپاسىن تومەندەتەدى.

«وسىعان وراي حالىققا جايلى ءومىر سۇرۋگە جاعداي جاقساۋ ماقساتىندا سۋ قۇبىرلارى جەلىسىن اۋقىمدى جاڭعىرتۋ جانە جاڭارتۋ قاجەت»، - دەدى قايىربەك وسكەنبايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى