وتىزدان اسا ەل بەنزينمەن جۇرەتىن اۆتوكولىك ساتۋدان باس تارتاتىنىن جاريالادى

مەملەكەتتەر مەن وندىرۋشىلەر ۇلى بريتانيانىڭ باستاماسىنا قوسىلىپ، وسىعان سايكەس ىشتەن جانۋ قوزعالتقىشى بار اۆتوكولىكتەر مەن شاعىن اۆتوبۋستاردى ساتۋ كورسەتىلگەن جىلدان كەشىكتىرىلمەي اياقتالۋى كەرەك. بۇل رەتتە ەكونوميكاسى وزىق ەلدەر 2035 -جىلعا قاراي ءى ج ق- دان باس تارتۋعا ءيىس.

بىرلەسكەن مالىمدەمەگە قول قويعاندار اراسىندا ۇلىبريتانيا، ءۇندىستان، اۆستريا، پولشا، كانادا، تۇركيا جانە باسقالارى، سونداي-اق، General Motors ،Ford ،Mercedes ،Volvo ،Jaguar/Land Rover جانە قىتاي BYD سەكىلدى كورپوراتسيالار بار.

الايدا گەرمانيا كەلىسىمگە قول قويعان جوق. بەرلين 2035 -جىلعا قاراي تەك نولدىك شىعارىندىلارى بار كولىكتەرگە رۇقسات بەرۋگە دايىن، ءبىراق كەيبىر ەلدەردىڭ، گەرمانيا سياقتى، دەكلاراتسيانىڭ قوسالقى اسپەكتىسىنە قاتىستى سۇراقتارى بار. اڭگىمە جاڭارتىلاتىن كوزدەردەن الىناتىن ءى ج ق ءۇشىن جانارمايدىڭ سينتەتيكالىق تۇرلەرى بولاشاقتا پروبلەمانى شەشەتىن بولادى ما دەگەن ءسوز.

بۇعان دەيىن گەرمانيانىڭ Volkswagen اۆتوموبيل كونتسەرنى 2035 -جىلعا قاراي ەۋروپادا ىشكى جانۋ قوزعالتقىشتارى بار اۆتوموبيلدەر شىعارۋدان باس تارتۋدى جوسپارلاپ وتىرعانى حابارلانعان بولاتىن.

سپورتتىق اۆتوكولىكتەردىڭ يتالياندىق ءوندىرۋشىسى Lamborghini دە ەكولوگيالىق تازا بولۋ ءۇشىن ىشكى جانۋ قوزعالتقىشتارىنان باس تارتىپ، گيبريدتى جانە ەلەكترلىك مودەلدەردى شىعارۋعا كوشۋدى شەشكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى